Advertisement

ಆದಿವಾಸಿ ನಿರುದ್ಯೋಗಿಗಳಿಗೆ ವಾಹನ ಚಾಲನಾ ತರಬೇತಿ

12:58 PM Nov 29, 2021 | Team Udayavani |

ಹುಣಸೂರು: ನಗರದ ಡೀಡ್‌ ಸಂಸ್ಥೆ ಸೋಮು ಡ್ರೈವಿಂಗ್‌ ಸ್ಕೂಲ್‌ ಹಾಗೂ ಅಜೀಂ ಪ್ರೇಮ್‌ ಜೀ ಸಂಸ್ಥೆ ಸಹಯೋಗದಲ್ಲಿ 25 ಮಂದಿ ಆದಿವಾಸಿ ಯುವಕರಿಗೆ 2 ತಿಂಗಳ ಲಘು ವಾಹನ ಚಾಲನಾ ತರಬೇತಿಗೆ ಚಾಲನೆ ನೀಡಲಾಯಿತು.

Advertisement

ನಗರದ ಚಿಕ್ಕಹುಣಸೂರಿನ ಡೀಡ್‌ ಸಂಸ್ಥೆ ಆವರಣದಲ್ಲಿ ತರಬೇತಿಗೆ ಚಾಲನೆ ನೀಡಿದ ಡೀಡ್‌ ಸಂಸ್ಥೆಯ ನಿರ್ದೇಶಕ ಡಾ.ಎಸ್‌.ಶ್ರೀಕಾಂತ್‌ ಮಾತನಾಡಿ, ಕೊರೊನಾ ಸಂದರ್ಭದಲ್ಲಿ ವಿದ್ಯಾವಂತ ಯುವ ಜನರಿಗೆ ಉದ್ಯೋಗದ ಅವಕಾಶ ಕಡಿಮೆ ಹಾಗೂ ಆದಿವಾಸಿ ಯುವ ಜನರಿಗೆ ವಾಹನ ಚಾಲನೆ ಬಗ್ಗೆ ಒಲವು ಇರುವುದರಿಂದ ಇಂತಹವರಿಗೆ 2 ತಿಂಗಳು ವಾಹನ ಚಾಲನೆ ತರಬೇತಿ ನೀಡಿ, ಬೈಕ್‌ ಮತ್ತು ಕಾರು ಚಾಲನೆ ಮಾಡಲು ಸಂಸ್ಥೆ ವತಿಯಿಂದ ಉಚಿತವಾಗಿ ಪರವಾನಗಿ ಕೊಡಿಸಲಾಗುವುದು.

ಮೊದಲ ತಿಂಗಳು ಸೋಮು ಡ್ರೈವಿಂಗ್‌ ಸ್ಕೂಲ್‌ ನೆರವಿನಿಂದ ಚಾಲನೆ ತರಬೇತಿ ಕೊಡಿಸಲಾಗುವುದು. ಎರಡನೇ ತಿಂಗಳು ಡೀಡ್‌ ಸಂಸ್ಥೆಯ ಡ್ರೈವಿಂಗ್‌ ಸ್ಕೂಲ್‌ ಲಘು ವಾಹನ ಬಳಸಿ ತರಬೇತಿ ನೀಡಲು ಉದ್ದೇಶಿಸಲಾಗಿದೆ. ಹುಣಸೂರು ಉಪ ವಿಭಾಗದ ಹಾಡಿಗಳ ಆದಿವಾಸಿ ಯುವಕರು ಈ ಸೌಲಭ ಬಳಸಿಕೊಳ್ಳಬಹುದು ಎಂದು ತಿಳಿಸಿದರು.

 ವಿವಿಧ ತರಬೇತಿ: ಈ ತರಬೇತಿಯಲ್ಲಿ ಉಚಿತವಾಗಿ ಊಟ, ವಸತಿ ವ್ಯವಸ್ಥೆ ಕಲ್ಪಿಸಲಾಗುವುದು. ಯುವಕರು ಹಾಗೂ 18 ವರ್ಷ ಮೇಲ್ಪಟ್ಟ ಹೈಸ್ಕೂಲ್‌ ವ್ಯಾಸಂಗ ಮಾಡಿರುವ ಆದಿವಾಸಿ ಹೆಣ್ಣು ಮಕ್ಕಳೂ ಈ ಸೌಲಭ್ಯ ಬಳಸಿಕೊಳ್ಳಬಹುದು. ಮಾತನಾಡುವ ಕಲೆ, ವಿವಿಧ ಭಾಷೆಗಳ ಕುರಿತು ತರಬೇತಿ ನೀಡಲಾಗುವುದು ಎಂದರು. ಆಸಕ್ತರು ಡೀಡ್‌ ಸಂಸ್ಥೆ ಮಾಹಿತಿಗೆ 9448135256ಕ್ಕೆ ಸಂಪರ್ಕಿಸಲು ಕೋರಲಾಗಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next