ಕ್ಷಿಪಣಿ ಪರೀಕ್ಷೆ ಯಶಸ್ವಿ

ಹೈದರಾಬಾದ್‌: ಕೆಲವೇ ದಿನಗಳ ಹಿಂದೆ ಪಿನಾಕ ಕ್ಷಿಪಣಿಯನ್ನು ಯಶಸ್ವಿಯಾಗಿ ಪ್ರಯೋಗಿಸಿದ್ದ, ಡಿಆರ್‌ಡಿಒ ಇದೀಗ ಇನ್ನೊಂದು ಸುಧಾರಿತ ಕ್ಷಿಪಣಿಯನ್ನು (ಎಂಪಿಎಟಿಜಿಎಂ) ಪರೀಕ್ಷಾರ್ಥ ಉಡಾವಣೆ ಮಾಡಿದೆ. ಈ ಎರಡೂ ಕ್ಷಿಪಣಿಗಳನ್ನು ಡಿಆರ್‌ಡಿಒ ನಮ್ಮ ದೇಶದಲ್ಲೇ ಅಭಿವೃದ್ಧಿಪಡಿಸಿದೆ. ರಾಜಸ್ಥಾನದ ಪೋಖ್ರಾನ್‌ನಲ್ಲಿ ಈ ಎಂಪಿಎಟಿಜಿಎಂ ಅನ್ನು ಪರೀಕ್ಷಿಸಲಾಗಿದೆ. ಟ್ಯಾಂಕ್‌ಗಳು ತುಂಬಾ ಸಮೀಪ ಆಗಮಿಸಿದಾಗ ಅವುಗಳನ್ನು ಉಡಾಯಿ ಸಲು ಈ ಕ್ಷಿಪಣಿ ಸಹಾಯ ಮಾಡುತ್ತದೆ. ಈ ಕ್ಷಿಪಣಿಯಲ್ಲಿ ಹಲವು ಸುಧಾರಿತ ಸೌಲಭ್ಯಗಳಿವೆ. ಇಮೇಜ್‌ ಇನ್‌ಫ್ರಾರೆಡ್‌ ರಾಡಾರ್‌ ಇದರಲ್ಲಿದೆ. ಈ ಇನ್‌ಫ್ರಾರೆಡ್‌ ಅನ್ನು ಹೈದರಾಬಾದ್‌ ಮೂಲದ ರಿಸರ್ಚ್‌ ಸೆಂಟರ್‌ ಇಮಾರತ್‌ನಲ್ಲಿ ಅಭಿವೃದ್ಧಿಪಡಿಸಲಾಗಿದ್ದು, ಇದನ್ನು ಡಿಆರ್‌ಡಿಒ ಬಳಸಿಕೊಂಡಿದೆ. ಎರಡೂ ಪರೀಕ್ಷೆಗಳು ಅತ್ಯಂತ ಯಶಸ್ವಿಯಾಗಿದ್ದು, ನಿರೀಕ್ಷಿತ ಗುರಿಯನ್ನು ಖಚಿತವಾಗಿ ತಲುಪಿವೆ.