ಮರೆಯಾದ ಯಜಮಾನ : ಅಂಬಿ ಮನೆಯ ಮುದ್ದಿನ ಶ್ವಾನಗಳ ಕಣ್ಣೀರು

ಬೆಂಗಳೂರು: ರೆಬೆಲ್‌ಸ್ಟಾರ್‌ ಅಂಬರೀಶ್‌ ಅವರ ನಿಧನದ ವಿಚಾರ ತಿಳಿದು ಲಕ್ಷಾಂತರ ಮಂದಿ ಕಣ್ಣೀರಿಡುತ್ತಿದ್ದಾರೆ .ಇದೇ ವೇಳೆ ಅವರು ಮುದ್ದಿನಿಂದ ಸಾಕಿದ್ದ 2 ಶ್ವಾನಗಳು ಒಡೆಯನಿಲ್ಲದೆ  ಕಂಗಾಲಾಗಿ ಮಂಕಾಗಿ ಮಲಗಿ ಕಣ್ಣೀರಿಡುತ್ತಿವೆ. 

ಜೆಪಿ ನಗರದ ಮನೆಯಲ್ಲಿ  ಬುಲ್ ಬುಲ್ ಮತ್ತು  ಕನ್ವರ್ ಲಾಲ್ ಹೆಸರಿನ ಸೆಂಟ್ ಬರ್ನಾಡ್ ಥಳಿಯ ವಿದೇಶಿ ಎರಡು ಶ್ವಾನ‌ಗಳನ್ನು  ಅಂಬರೀಶ್ ಅವರು  ಮುದ್ದಾಗಿ ಸಾಕಿದ್ದರು.

 

ಮಾಲೀಕನ ದಿಢೀರ್ ಸಾವಿನಿಂದ ಬುಲ್ ಬುಲ್ ಮತ್ತು ಕನ್ವರ್ ಲಾಲ್ ಎರಡೂ ನಾಯಿಗಳು ದುಃಖಕ್ಕೆ ಜಾರಿವೆ. ಬೆಳಿಗ್ಗೆಯಿಂದ ತಿಂಡಿ ಕೂಡ ತಿನ್ನದೆ ನರಳಾಟ ಮಾಡುತ್ತಿವೆ. 

8  ವರ್ಷದಿಂದ ಮುದ್ದು ಶ್ವಾನಗಳ ಜೊತೆ ಅಂಬರೀಶ್‌ ಅವರ  ಆತ್ಮೀಯ ಒಡನಾಟವಿತ್ತು.