ವಿಜಯಪುರ : ನಾಯಿ ದಾಳಿಗೆ ಎರಡು ಮೇಕೆ ಬಲಿ

ವಿಜಯಪುರ: ಎರಡು ನಾಯಿಗಳು ಏಕಕಾಲಕ್ಕೆ ದಾಳಿ ನಡೆಸಿದ ಕಾರಣಕ್ಕೆ ಎರಡು ಮೇಕೆಗಳು ಸಾವನ್ನಪ್ಪಿದ ಘಟನೆ ಇಂಡಿ ತಾಲೂಕಿನ ಹಳಗುಣಕಿ ಗ್ರಾಮದಲ್ಲಿ ಜರುಗಿದೆ.

ಹೊರ್ತಿ ಪೊಲೀಸ್ ಠಾಣಾ ವ್ಯಾಪ್ತಿಯ ಹಲಗುಣಕಿ ಗ್ರಾಮದ ರೈತ ಮಲ್ಲಿಕಾರ್ಜುನ ದಶವಂತ ಎಂಬವರು ತಮ್ಮ ತೋಟದ ಮನೆಯ ಮುಂದೆ ಕಟ್ಟಿದ್ದ ಮೇಕೆಗಳ ಮೇಲೆ‌ ನಾಯಿ ದಾಳಿ ನಡೆಸಿವೆ.

ಹೊರಗಿನಿಂದ ಬಂದ ಎರಡು ನಾಯಿಗಳು ಮೇಕೆಗಳ ಮೇಲೆ ಮಾರಕವಾಗಿ ದಾಳಿ ಮಾಡಿದ ಕಾರಣ ಮೇಕೆಗಳು ಸ್ಥಳದಲ್ಲೇ ಮೃತಪಟ್ಡಿವೆ.

ಈ ಘಟನೆಯಿಂದ ಮೇಕೆ ಮಾಲೀಕರಿಗೆ ಸುಮಾರು 20ಸಾವಿರ ರೂ. ನಷ್ಟವಾಗಿದ್ದು, ಮೇಕೆ ಕಳೆದುಕೊಂಡಿರುವ ರೈತ ಕಂಗಾಲಾಗಿದ್ದಾನೆ.