ಸರ್ವಧರ್ಮ ಸಮ್ಮೇಳನಕ್ಕೆ ಡಾ|ಹೆಗ್ಗಡೆ ಅವರಿಗೆ ಆಹ್ವಾನ

ಮಹಾನಗರ: ನಗರದ ಸಂತ ಸೆಬೆಸ್ಟಿಯನ್‌ ಧರ್ಮಕೇಂದ್ರದ ಶತಮಾನೋತ್ಸವದ ಅಂಗವಾಗಿ ಜ. 20 ರಂದು ಹಮ್ಮಿಕೊಂಡಿರುವ ಸರ್ವಧರ್ಮ ಸಮ್ಮೇಳನಕ್ಕೆ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ| ಡಿ.ವೀರೇಂದ್ರ ಹೆಗ್ಗಡೆ ಅವರನ್ನು ಆಮಂತ್ರಿಸಲಾಯಿತು. ಈ ಸಂದರ್ಭದಲ್ಲಿ ಸಂಘಟಕರಿಗೆ ಡಾ| ಹೆಗ್ಗಡೆ ಅವರು ಕಾರ್ಯಕ್ರಮಕ್ಕೆ ಆಗಮಿಸುವ ಭರವಸೆ ನೀಡಿದರು.

ಧರ್ಮಕೇಂದ್ರದ ಪ್ರಧಾನ ಧರ್ಮಗುರು ರೆ|ಫಾ| ಡಾ| ಜೆ.ಬಿ.ಸಲ್ದಾನಾ, ತಾ.ಪಂ.ಅಧ್ಯಕ್ಷ ಮಹಮದ್‌ ಮೋನು ಪಾವೂರು, ಸೌಹಾರ್ದ ಸಮ್ಮಿಲನ ಸಮಿ ತಿಯ ಪ್ರ. ಸಂಚಾಲಕ ಸುರೇಶ್‌ ಭಟ್ನಾಗರ, ಚರ್ಚ್‌ ಪಾಲನಾ ಪರಿಷತ್‌ನ ಉಪಾಧ್ಯಕ್ಷ ಮೆಲ್ವಿನ್‌ ಸಿ. ಡಿ’ಸೋಜಾ, ರೋನಾಲ್ಡ್‌ ಫೆರ್ನಾಂಡಿಸ್‌, ಜೋಸ್ಲಿನ್‌ ಡಿ’ಸೋಜಾ, ಆಲ್ಫ್ರೆಡ್  ಡಿ’ಸೋಜಾ, ಮೋಹನ್‌ ಕುಮಾರ್‌ ಶಿರ್ಲಾಲ್‌, ವಿದ್ಯಾಧರ್‌ ಶೆಟ್ಟಿ ಉಪಸ್ಥಿತರಿದ್ದರು.