ಮನೆಯಲ್ಲಿ ಕಸಬರಿಗೆ ಪ್ರದರ್ಶನ ಬೇಡ

ಕಸಬರಿಗೆ ಇತ್ಯಾದಿಗಳನ್ನು ಅವುಗಳ ಉಪಯೋಗ ಮುಗಿಯುತ್ತಿದ್ದಂತೆ ಒಂದೆಡೆ ಪೂರ್ತಿಯಾಗಿ ಯಾರಿಗೂ ಕಾಣಿಸದಂತೆ ಮುಚ್ಚಿಡುವುದು ಅಗತ್ಯವಾಗಿದೆ. ಈ ಕಸಬರಿಗೆ ಇತ್ಯಾದಿ ಮನೆಯೊಳಗೆಡೇ ಇರಲಿ, ಹೊರಗಡೆಯೇ ಇರಲಿ, ಬೇಕಾಬಿಟ್ಟಿಯಾಗಿ ಕಾಣುವಂತೆ ಇರಕೂಡದು. ಮನೆಯೊಳಗಿನವರಿಗೇ ಆಗಲಿ, ಮನೆಯ ಹೊರಗಿನವರಿಗೇ ಇರಲಿ ಕಾಣುವಂತೆಯೂ ಇರಬಾರದು.

ಮನೆಯಲ್ಲಿ ಕಸಬರಿಗೆಗಳಿರದೆ, ನೆಲ ಒರೆಸುವ ಮೇಜು, ಟೇಬಲ್‌, ಊಟದ ಟೇಬಲ್‌ ಒರೆಸುವ ಬಟ್ಟೆ ತುಂಡುಗಳೇ ಇರದೆ ಯಾರ ಮನೆಯೂ ಇರದು. ಆದರೆ ಈ ಕಸಬರಿಗೆ ಇತ್ಯಾದಿಗಳನ್ನು ಅವುಗಳ ಉಪಯೋಗ ಮುಗಿಯುತ್ತಿದ್ದಂತೆ ಒಂದೆಡೆ ಪೂರ್ತಿಯಾಗಿ ಯಾರಿಗೂ ಕಾಣಿಸದಂತೆ ಮುಚ್ಚಿಡುವುದು ಅವಶ್ಯವಾಗಿದೆ. ಈ ಕಸಬರಿಗೆ ಇತ್ಯಾದಿಗಳು ಮನೆಯೊಳಗೆಡೇ ಇರಲಿ, ಹೊರಗಡೆಯೇ ಇರಲಿ, ಬೇಕಾಬಿಟ್ಟಿಯಾಗಿ ಕಾಣುವಂತೆ ಇರಕೂಡದು.

ಮನೆಯೊಳಗಿನವರಿಗೇ ಆಗಲಿ, ಮನೆಯ ಹೊರಗಿನವರಿಗೇ ಇರಲಿ ಇದು ಕಾಣುವಂತಿರಬಾರದು. ಇದಕ್ಕೆ ಕಾರಣ ಸರಳ. ಈ ಕಸಬರಿಗೆ ಇತ್ಯಾದಿಗಳು ಮಾನವನಲ್ಲಿ ಒಂದು ಕ್ಷಣ ಅವನೊಳಗೆ ಪ್ರವಹಿಸುವ ಧನಾತ್ಮಕ ಭಾವನೆಗಳನ್ನು ಒಮ್ಮೆ ಸ್ಥಂಭನಗೊಳಿಸಿ ಬಿಡುತ್ತದೆ. ಧನಾತ್ಮಕ ಭಾವನೆಗಳು ಒಮ್ಮೆ ತಟಸ್ಥಗೊಳ್ಳುವ ವಿಷಯ ಹದಗೆಟ್ಟಿತಾದರೆ ಮೊದಲಿನ ಸುಹಾಸಕರತೆಯಲ್ಲೇ ಅದನ್ನು ಮುಂದುವರಿಸಲು ಸಾಧ್ಯವಾಗದು. ಮನೆಯ ಹೊರಗಿನ ಜನರಿಗೆ ಕಸಬರಿಗೆ ಇತ್ಯಾದಿಗಳು ಕಾಣುವಂತಿದ್ದರೆ ಅವು ಆ ವ್ಯಕ್ತಿಗಳಲ್ಲೂ ನಕಾರಾತ್ಮಕ ಭಾವನೆಗಳನ್ನು ಹೊಂದಲು ಕಾರಣವಾಗಬಹುದು.

ಧೂಳು, ಜೇಡರ ಬಲೆ, ಕೊಳೆ ಹಾಗೂ ಕಸಗಳನ್ನು ತಮ್ಮಲ್ಲಿ ಹೊಂದಿರುವ ಕಸಬರಿಗೆ ಇತ್ಯಾದಿಗಳು ಶುಭ ಸೂಚಕವಾಗಿರಲು ಸಾಧ್ಯವಾಗದು ಎಂಬುದು ಒಂದೆಡಯಾದರೆ, ಇವು ಮನಸ್ಸಿನ ಹೊಯ್ದಾಟಗಳಿಗೆ ಇನ್ನಿಷ್ಟು ವಿಕಾರಗಳನ್ನು ಒದಗಿಸಿ, ನಿಷ್ಕ್ರಿಯತೆಯನ್ನು ಉಂಟು ಮಾಡಬಲ್ಲವು. ಯಾಕೆ ಹೀಗಾಗುತ್ತದೆ ಎಂಬುದಕ್ಕೆ ನೇರ ಕಾರಣಗಳಿಲ್ಲ.

ಒಂದು ಸುಂದರ ನಾಯಿಯನ್ನೋ, ಮೊಲವನ್ನೋ, ಜಿಂಕೆಯನ್ನೋ ನೋಡುವುದಕ್ಕೂ, ಒಂದು ಇಲಿ, ಒಂದು ಜಿರಲೆ, ಅಲ್ಲಾ ತಿಗಣೆ ಅಥವಾ ಜೇಡವನ್ನು ಮನೆಯೊಳಗೆ ಕಾಣುವುದಕ್ಕೂ ವ್ಯತ್ಯಾಸವಿದೆ. ಮನಸ್ಸು ಇಲಿ ಅಥವಾ ಜಿರಲೆಗಳನ್ನು ನೋಡುತ್ತ ಕ್ರಿಯಾಶೀಲಗೊಳ್ಳದು. ಇದೇ ಸೂತ್ರ ಕಸಬರಿಗೆ ಇತ್ಯಾದಿಗಳ ವಿಷಯದಲ್ಲೂ ನಾವು ವಿಶ್ಲೇಷಿಸಬಹುದು. ಮನಸ್ಸು ಬಹಳ ಸೂಕ್ಷ್ಮವಾದದ್ದು. ಅದು ತನ್ನ ಆಯ್ಕೆಯನ್ನ, ನಿರಾಸಕ್ತಿಗಳನ್ನ ಒಬ್ಬನಿಂದ ಇನ್ನೊಬ್ಬನಿಗೆ ಬಹುತೇಕ ಸಂದರ್ಭಗಲ್ಲಿವಿಧವಿಧವಾಗಿಒಡಮೂಡಿಸುವುದು ಸತ್ಯವಾದರೂ, ಇಲಿ, ಜಿರಲೆ, ಕಸಬರಿಗೆಗಳಂಥ ವಿಚಾರಗಳಲ್ಲಿ
ವಿಧವಿಧವಾದ ಭಾವನೆಗಳನ್ನು ಹೊಮ್ಮಿಸದು. ಕೇವಲ ಜಿಗುಪ್ಸೆ ಅಷ್ಟೇ, ಇದು ಎಲ್ಲರಿಗೂ ಸ್ವಾಭಾವಿಕ. ಎಲ್ಲರಲ್ಲೂ
ಸ್ವಾಭಾವಿಕ.

ಅಡುಗೆ ಮನೆಯಲ್ಲಿ, ಹೊರ ಜಗುಲಿಯಲ್ಲಿ, ಊಟದ ಕೋಣೆಯಲ್ಲಿ ಕಸಬರಿಗೆಗಳು ಕಾಣುವಂತೆ ಇರಲೇಕೂಡದು. ತಿನ್ನುವ ಅನ್ನ, ತಿನಿಸುಗಳ ವಿಷಯದಲ್ಲಿ ಇವು ಒಂದು ರೀತಿಯ ಅಭಾವವನ್ನು ನಿರ್ಮಿಸುವಲ್ಲಿ ಪ್ರಧಾನ ಪಾತ್ರ ವಹಿಸಿಬಿಡಬಲ್ಲವು. ಒಟ್ಟಿನಲ್ಲಿ ಇಂಥ ಅಭಾವಗಳ ಸೃಷ್ಟಿಗೆ ನಮಗೆ ನಾವೇ ಅವಕಾಶ ಒದಗಿಸಬಾರದು. ಒಂದರ್ಥದಲ್ಲಿ ಮನೆ ಬಾಗಿಲ ಎದುರುಗಡೆ ಕಸಬರಿಗೆ ಇತ್ಯಾದಿಗಳನ್ನು ಮೇಲ್ಮುಖವಾಗಿ ಇಡಿಸುವುದು ದುಷ್ಟ ಹಾಗೂ ಅನಪೇಕ್ಷಿತ ಸ್ಪಂದನಗಳನ್ನು ಮನೆಯೊಳಗಡೆ ಬಂದು ಸೇರುವ ಕ್ರಿಯೆಗೆ ಪೂರಕವಾಗಿ ಒಳಿತಾಗಬಲ್ಲದು. ಆದರೆ ರಾತ್ರಿಯ ಹೊತ್ತು ಮಾತ್ರ ಇದು ಸ್ವಾಗತಾರ್ಹ. ಹಗಲ ಹೆಗಲಿಗೆ ಮಾತ್ರ ಈ ಅನುಬಂಧ ಸಾಹಸ ಬೇಡ.

ಮನೆಯೊಳಗಿನ ಕಸ ಹಾಗೂ ಕೊಳೆಗಳನ್ನು, ಧೂಳು ಹಾಗೂ ಮಣ್ಣನ್ನ ವಿಶೇಷವಾಗಿ ರಾತ್ರಿ ಹೊತ್ತು ಕಸಬರಿಗೆಗಳಿಂದ
ಒತ್ತಿ, ಜಾಡಿಸಿ ಹೊರದೂಡುವಂತೆ ಮಾಡಲೇ ಕೂಡದು. ರಾತ್ರಿಯ ಹೊತ್ತು ಕಸ, ಧೂಳು ಹಾಗೂ ಕೊಳೆಗಳೊಂದಿಗೆ ಕಣ್ತಪ್ಪಿ ಬಿದ್ದ ಅಥವಾ ಬೆಲೆ ಬಾಳುವ ವಸ್ತುಗಳೂ ಹೊರತಳ್ಳಲ್ಪಡುವ ಸಾಧ್ಯತೆ ಇರುವುದರಿಂದ, ರಾತ್ರಿ ಹೊತ್ತು
ಕಸಬರಿಗೆಗಳ ಉಪಯೋಗ ಮಾಡಿದರೆ, ಮನೆಯಲ್ಲಿ ಲಕ್ಷಿ$¾àದೇವಿ ನೆಲೆ ಊರಲಾರಳು ಎಂಬ ನಂಬಿಕೆ ಇದೆ.

ಕೆಲವು ವಿಚಾರಗಳು ಆಧುನಿಕತೆಯನ್ನು ಅಣಕಿಸುವಂತಿದ್ದರೂ, ಲಾಗಾಯ್ತಿನಿಂದ ರೂಢಿಯಾಗಿ ಬಂದ ವಿಚಾರಗಳ ಕುರಿತು ಅಲಕ್ಷ್ಯ ಬೇಡ. ವರ್ತಮಾನದ ಆಧುನಿಕ ಬೆಳವಣಿಗೆಗಳು ಮಾನವನ ಎಲ್ಲ ನೋವು ಹಾಗೂ ಕಷ್ಟಗಳನ್ನು
ನೀಗಿಸುವಷ್ಟು ಆಧುನಿಕವಲ್ಲ. ಹೀಗಾಗಿ ಯಾವುದೂ ಹಳೆಯ ವಿಚಾರವಲ್ಲ. ಆಧುನಿಕತೆಗೆ ಪೂರಕವಾಗೇ ಇರುತ್ತವೆ.

ಮಾಹಿತಿಗೆ: 8147824707

– ಅನಂತಶಾಸ್ತ್ರಿ