2021ರ ಚುನಾವಣೆ: ಡಿಎಂಕೆಗೆ ಪ್ರಶಾಂತ್‌ ನೆರವು?

ಚೆನ್ನೈ: 2021ರ ತಮಿಳುನಾಡು ವಿಧಾನ ಸಭಾ ಚುನಾವಣೆಗೆ ಪಕ್ಷಗಳು ಈಗಲೇ ಸಿದ್ಧ ವಾಗುತ್ತಿವೆ. ಈ ಬಾರಿಯಾದರೂ ತಮಿಳುನಾಡಿನಲ್ಲಿ ಅಧಿಕಾರಕ್ಕೇರಬೇಕೆಂಬ ಹಂಬಲದಲ್ಲಿರುವ ಎಂ.ಕೆ. ಸ್ಟಾಲಿನ್‌ ನೇತೃತ್ವದ ಡಿಎಂಕೆ, ಈ ನಿಟ್ಟಿನಲ್ಲಿ ಪ್ರಮುಖ ಹೆಜ್ಜೆಯಿಟ್ಟಿದೆ. ಭಾರತದ ಚುನಾವಣಾ ರಾಜಕಾರಣದಲ್ಲಿ ಹಲವು ಪ್ರಮುಖ ಮೈಲುಗಲ್ಲುಗಳಿಗೆ ಕಾರಣವಾಗಿರುವ, ಪ್ರಶಾಂತ್‌ ಕಿಶೋರ್‌ ನೆರವು ಪಡೆಯಲು ಡಿಎಂಕೆ ಸಜ್ಜಾಗಿದೆ. ಐ-ಪ್ಯಾಕ್‌ (ಇಂಡಿಯನ್‌ ಪೊಲಿಟಿಕಲ್‌ ಆ್ಯಕ್ಷನ್‌ ಕಮಿಟಿ) ನೇತಾರ ಪ್ರಶಾಂತ್‌ ಕಿಶೋರ್‌ ಜತೆಗೆ ಮಾತುಕತೆ ಶುರುವಾದ ಹಿನ್ನೆಲೆಯಲ್ಲಿ, ಕೆ. ಸುನೀಲ್‌ ಅವರು ಡಿಎಂಕೆ ಪ್ರಚಾರ ವಿಭಾಗದಿಂದ ಹೊರಬಂದಿದ್ದಾರೆ.