ದ.ಕ.: 519 ಮಂದಿಗೆ ಕೋವಿಡ್; 1 ಸಾವು ; ಉಡುಪಿ: 361 ಪಾಸಿಟಿವ್‌

ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಕೊರೊನಾ ದಿನದ ವರದಿ ಏರಿಕೆಯಾಗುತ್ತಿದ್ದು, ಬುಧವಾರ 519 ಮಂದಿಗೆ ಸೋಂಕು ದೃಢಪಟ್ಟು ಒಬ್ಬರು ಸಾವನ್ನಪ್ಪಿ ದ್ದಾರೆ. 137 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ. 2,253 ಸಕ್ರಿಯ ಪ್ರಕರಣಗಳಿವೆ. ಶೇ. 5.04ರಷ್ಟು ಪಾಸಿಟಿವಿಟಿ ದರ ಇದೆ.

ಹೈರಿಸ್ಕ್ ವಲಯಗಳು
ಮಂಗಳೂರು ತಾಲೂಕಿನ ಎಂಜಿನಿಯರಿಂಗ್‌ ವಸತಿ ನಿಲಯ, ಕುಳಾಯಿ ಮತ್ತು ತೆಂಕಪದವಿನ ಮೆಟ್ರಿಕ್‌ ವಸತಿ ನಿಲಯ ಪ್ರದೇಶವನ್ನು ಹೈರಿಸ್ಕ್ ವಲಯ ಎಂದು ಗುರುತಿಸಲಾಗಿದೆ.

ಸುರತ್ಕಲ್‌: 100 ದಾಟಿದ ಪ್ರಕರಣ
ಸುರತ್ಕಲ್‌: ಇಲ್ಲಿನ ಎಂಜಿನಿಯರಿಂಗ್‌ ಕಾಲೇಜಿನಲ್ಲಿ 100ಕ್ಕೂ ಆಧಿಕ ಮಂದಿಗೆ ಕೊರೊನಾ ಇರುವ ಹಿನ್ನೆಲೆಯಲ್ಲಿ
ಆನ್‌ಲೈನ್‌ ತರಗತಿಗೆ ಒತ್ತು ನೀಡಲಾಗಿದೆ. ಹೊರಗಿನ ಊರಿನ ವಿದ್ಯಾರ್ಥಿಗಳು ಊರಿಗೆ ಹಿಂದಿರುಗುತ್ತಿದ್ದಾರೆ.

ಉಡುಪಿ: 361 ಪಾಸಿಟಿವ್‌
ಉಡುಪಿ: ಜಿಲ್ಲೆಯಲ್ಲಿ ಬುಧವಾರ 361 ಮಂದಿಗೆ ಕೊರೊನಾ ದೃಢಪಟ್ಟಿದೆ. ಪಾಸಿಟಿವಿಟಿ ದರ ಶೇ. 5.57ಕ್ಕೆ ಏರಿಕೆ ಕಂಡಿದೆ. ಒಟ್ಟು 6,476 ಮಂದಿಯನ್ನು ತಪಾಸಣೆಗೆ ಒಳಪಡಿಸಲಾಗಿದ್ದು, 78 ಮಂದಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. 1,625 ಪ್ರಕರಣಗಳು ಸಕ್ರಿಯವಾಗಿವೆ. ಸಾಮಾನ್ಯ ಬೆಡ್‌ನ‌ಲ್ಲಿ 80, ಎಚ್‌ಡಿಯೂ ಬೆಡ್‌ನ‌ಲ್ಲಿ 8, ವೆಂಟಿಲೇಟರ್‌ ಇಲ್ಲದ ಬೆಡ್‌ನ‌ಲ್ಲಿ 12, ವೆಂಟಿಲೇಟರ್‌ ಹಾಗೂ ಐಸಿಯು ಇರುವ ಬೆಡ್‌ನ‌ಲ್ಲಿ 6 ಸಹಿತ ಒಟ್ಟು 80 ಮಂದಿ ಚಿಕಿತ್ಸೆಯಲ್ಲಿದ್ದಾರೆ.

ಕಾಸರಗೋಡು: 262 ಮಂದಿಗೆ ಸೋಂಕು
ಜಿಲ್ಲೆಯಲ್ಲಿ ಬುಧವಾರ 262 ಮಂದಿಗೆ ಕೊರೊನಾ ದೃಢಪಟ್ಟಿದೆ. 128 ಮಂದಿ ಗುಣಮುಖರಾಗಿದ್ದಾರೆ. 1,003 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ವರೆಗೆ ಜಿಲ್ಲೆಯಲ್ಲಿ 7 ಮಂದಿಗೆ ಒಮಿಕ್ರಾನ್‌ ದೃಢಪಟ್ಟಿದೆ.

ಕೇರಳದಲ್ಲಿ 12,742 ಪ್ರಕರಣ
ಕೇರಳದಲ್ಲಿ ಬುಧವಾರ 12,742 ಮಂದಿಗೆ ಕೊರೊನಾ ದೃಢಪಟ್ಟಿದೆ. 23 ಮಂದಿ ಸಾವಿಗೀಡಾಗಿದ್ದು, ಒಟ್ಟು ಸಾವಿನ ಸಂಖ್ಯೆ 50,254ಕ್ಕೇರಿದೆ.

ಕೊಡಗು: 50 ಮಂದಿಗೆ ಕೊರೊನಾ
ಮಡಿಕೇರಿ: ಕೊಡಗು ಜಿಲ್ಲೆಯಲ್ಲಿ ಬುಧವಾರ 50 ಮಂದಿಗೆ ಕೊರೊನಾ ದೃಢಪಟ್ಟಿದೆ. 9 ಮಂದಿ ಗುಣಮುಖ ರಾಗಿದ್ದಾರೆ. 330 ಸಕ್ರಿಯ ಪ್ರಕರಣಗಳಿವೆ. ಪಾಸಿಟಿವಿಟಿ ದರ ಶೇ. 2.15ರಷ್ಟಿದೆ ಎಂದು ಜಿಲ್ಲಾಧಿಕಾರಿ ತಿಳಿಸಿದ್ದಾರೆ.