ನಟ ದಿಲೀಪ್‌ ಕುಮಾರ್‌ಗೆ ಮತ್ತೆ ನ್ಯೂಮೋನಿಯ; ಆಸ್ಪತ್ರೆಗೆ ದಾಖಲು

ಹೊಸದಿಲ್ಲಿ : ಹಿರಿಯ ಬಾಲಿವುಡ್‌ ನಟ ದಿಲೀಪ್‌ ಕುಮಾರ್‌ ಅವರನ್ನು ನಿನ್ನೆ ಭಾನುವಾರ ರಾತ್ರಿ ಆಸ್ಪತ್ರೆಗೆ ಸೇರಿಸಲಾಗಿದೆ. ಅವರಿಗೆ ನ್ಯೂಮೋನಿಯಾ ಚಿಕಿತ್ಸೆ ನೀಡಲಾಗುತ್ತಿದೆ. 

ದಿಲೀಪ್‌ ಕುಮಾರ್‌ ಅವರ ಕುಟುಂಬ ಮಿತ್ರರಾಗಿರುವ ಫೈಸಲ್‌ ಫಾರೂಕಿ ಅವರು ದಿಲೀಪ್‌ ಕುಮಾರ್‌ ಆಸ್ಪತ್ರೆಗೆ ಸೇರಿರುವುದನ್ನು ಟ್ವಿಟರ್‌ನಲ್ಲಿ ತಿಳಿಸಿದ್ದಾರೆ. 

ದಿಲೀಪ್‌ ಕುಮಾರ್‌ ಅವರಿಗೆ ಪದೇ ಪದೇ ನ್ಯೂಮೋನಿಯಾ ಕಾಡುತ್ತಿದೆ. ಈಚೆಗಷ್ಟೇ ಅವರು ಆಸ್ಪತ್ರೆಗೆ ಸೇರಿ ಗುಣಮುಖರಾಗಿ ಮನೆಗೆ ಮರಳಿದ್ದರು. ಇದೀಗ ಪುನಃ ಅದೇ ತೊಂದರೆ ಕಾಣಿಸಿಕೊಂಡಿದೆ. ವೈದ್ಯರ ಚಿಕಿತ್ಸೆಯಿಂದ ಅವರು ಶೀಘ್ರ ಗುಣಮುಖರಾಗುತ್ತಾರೆ ಎಂದು ದಿಲೀಪ್‌ ತಾರಾ ಪತ್ನಿ ಸಾಯಿರಾಬಾನು ಹೇಳಿದ್ದಾರೆ.