ಈ ಮದುವೆ ಗರ್ಭಧಾರಣೆಯ ಫಲಿತಾಂಶವಲ್ಲ : ನಟಿ ದಿಯಾ ಮಿರ್ಜಾ  

ನವ ದೆಹಲಿ : ಮದುವೆಗೆ ಮೊದಲೇ ಗರ್ಭಿಣಿ ಆಗಿರುವ ವಿಚಾರವನ್ನು ಈಗ ಬಹಿರಂಗ ಪಡಿಸಿದ್ದಾರೆ ಎಂಬ ಇನ್ಸ್ಟಾ ಗ್ರಾಮ್ ನ ಬಳಕೆದಾರರೊಬ್ಬರಿಗೆ ದಿಯಾ ಖಡಕ್ ಉತ್ತರ ನೀಡಿದ್ದಾರೆ.

ಕಳೆದ ಫೆಬ್ರವರಿಯಲ್ಲಿ ಎರಡನೇ ಮದುವೆಯಾಗಿದ್ದ 39 ವರ್ಷದ ನಟಿ ದಿಯಾ ಮಿರ್ಜಾ ಕಳೆದ ವಾರ ಗರ್ಭಿಣಿಯಾಗಿರುವ ಫೋಟೊವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿ ವಿಷಯವನ್ನು ಬಹಿರಂಗ ಪಡಿಸಿದ್ದರು.

ಓದಿ : ಸ್ಯಾಂಡಲ್ ವುಡ್ ನಟಿ ಧನ್ಯಾ ರಾಮ್ ಕುಮಾರ್ ಬ್ಯೂಟಿಫುಲ್ ಫೋಟೋ ಗ್ಯಾಲರಿ

ಬಳಕೆದಾರರೊಬ್ಬರ ಪ್ರಶ್ನೆಗೆ ಉತ್ತರಿಸಿದ ದಿಯಾ, ಇದೊಂದು ಕುತೂಹಲಕರವಾದ ಪ್ರಶ್ನೆ, ನಾವು ಮೊದಲು ಮದುವೆ ಮಾಡಿಕೊಂಡಿರಲಿಲ್ಲ. ಮದುವೆಯ ಯೋಜನೆ ಮಾಡುತ್ತಿರುವಾಗಲೇ ನಾವು ಪಾಲಕರಾಗುತ್ತಿದ್ದೇವು ಎಂದು ನಮಗೆ ತಿಳಿಯಿತು. ನಾವು ಒಟ್ಟಿಗೆ ನಮ್ಮ ಜೀವನವನ್ನು ಕಳೆಯಲು ಬಯಸಿದ್ದರಿಂದ ನಾವು ಮದುವೆಯಾಗಿದ್ದೇವೆ. ನಾವು ಮಗು ಮಾಡಿಕೊಳ್ಳಲಿದ್ದೆವೆ. ಎಂದು ಪ್ರತಿಕ್ರಿಯಿಸಿದ್ದಾರೆ.

ಈ ಸಂತಸದ ದಿನಕ್ಕಾಗಿ ನಾನು ಹಲವು ದಿನಗಳಿಂದ ಕಾಯುತ್ತಿದ್ದೆ. ಇದು ನನ್ನ ಜೀವನದ ಅತ್ಯಂತ ಖುಷಿಯ ಕ್ಷಣ. ಈ ವಿಷಯವನ್ನು ಮೆಡಿಕಲ್ ಕಾರಣದಿಂದಾಗಿ ಮಾತ್ರ ಮರೆ ಮಾಡಿದ್ದೆ. ಮೆಡಿಕಲ್ ಕಾರಣದಿಂದ ನಾನು ಗರ್ಭಿಣಿಯಾಗಿರುವುದರಿಂದ ಈ ಹಿಂದೆ ಹೇಳಿರಲಿಲ್ಲ. ಈ ಮದುವೆ ಗರ್ಭಧಾರಣೆಯ ಪಲಿತಾಂಶವಲ್ಲ ಎಂದಿದ್ದಾರೆ ದಿಯಾ.

ಕಳೆದ ಫೆಬ್ರವರಿ 15 ರಂದು ಉದ್ಯಮಿ ವೈಭವ್ ರೇಖಿ ಅವರ ಜೊತೆ ದಿಯಾ ಮಿರ್ಜಾ ಮದುವೆ ಮುಂಬೈನ ಬಾಂದ್ರಾದಲ್ಲಿ ನಡೆದಿತ್ತು. ಉದ್ಯಮಿ ವೈಭವ್ ರೇಖಿಗೂ ಕೂಡ ಇದು ಎರಡನೇ ಮದುವೆ. ಅವರು ತಮ್ಮ ಮೊದಲ ದಾಂಪತ್ಯ ಜೀವನದಲ್ಲಿ ಹೆಣ್ಣು ಮಗುವೊಂದಕ್ಕೆ ತಂದೆಯಾಗಿದ್ದರು.

ದೆಹಲಿ ಮೂಲದ ಉದ್ಯಮಿಯೊಬ್ಬರೊಂದಿಗೆ ಲಿವಿಂಗ್ ಟುಗೆದರ್ ರಿಲೇಷನ್ ಶಿಪ್ ನಲ್ಲಿದ್ದಿದ್ದರು ದಿಯಾ. ಆ ಮೇಲೆ ಆ ಜೋಡಿ ಮದುವೆಯಾಗಿತ್ತು. 2014ರ ಅಕ್ಟೋಬರ್ ನಲ್ಲಿ ದೆಹಲಿಯಲ್ಲಿನ ಚತ್ತಾರ್ ಪೂರ್ ನಲ್ಲಿ ಮದುವೆಯಾದ ಈ ಜೋಡಿ 2019ರಲ್ಲಿ ಅಧಿಕೃತವಾಗಿ ಬೇರ್ಪಟ್ಟಿತ್ತು.

ಓದಿ : ತಮಿಳುನಾಡು ಚುನಾವಣೆ: ಮತದಾರರ ಪಟ್ಟಿಯಲ್ಲಿಲ್ಲ ‘ಚಿನ್ನಮ್ಮ’ನ ಹೆಸರು!