ಕನ್ನಡದಲ್ಲಿ ಧ್ರುವ ಸರ್ಜಾ ನಾಯಕನಾಗಿ ಕಾಣಿಸಿಕೊಂಡಿದ್ದ, ರಚಿತಾ ರಾಮ್‌, ಹರಿಪ್ರಿಯಾ ನಾಯಕಿಯರಾಗಿ ಅಭಿನಯಿಸಿದ್ದ “ಭರ್ಜರಿ’ ಸಿನಿಮಾ ಈಗ ತೆಲುಗಿನಲ್ಲೂ ತೆರೆ ಕಾಣಲು ಸಿದ್ಧವಾಗಿದೆ. ಹೌದು, ಚೇತನ್‌ ಕುಮಾರ್‌ ನಿರ್ದೇಶನದಲ್ಲಿ ಕನ್ನಡದಲ್ಲಿ ತೆರೆಕಂಡು ಸೂಪರ್‌ ಹಿಟ್‌ ಆಗಿದ್ದ “ಭರ್ಜರಿ’ ಸಿನಿಮಾ ಈಗ ತೆಲುಗಿನಲ್ಲಿ ಡಬ್‌ ಆಗಿದ್ದು, “ಪುಷ್ಪರಾಜ್‌ ದಿ ಸೋಲ್ಜರ್‌’ ಎಂಬ ಹೆಸರಿನಲ್ಲಿ ತೆರೆ ಕಾಣುತ್ತಿದೆ.
ಈಗಾಗಲೇ ಈ ಸಿನಿಮಾದ ಡಬ್ಬಿಂಗ್ ಕಾರ್ಯಗಳು ಬಹುತೇಕ ಪೂರ್ಣಗೊಂಡಿದ್ದು, ಸದ್ಯ ಸಿನಿಮಾದ ಪ್ರಚಾರ ಕಾರ್ಯಗಳಲ್ಲಿ ನಿರತವಾಗಿದೆ. ತೆಲುಗು ಸಿನಿಮಾ ಪ್ರೇಕ್ಷಕರಿಗೆ ಇಷ್ಟವಾಗುವಂಥ ಕಥಾಹಂದರ ಮತ್ತು
ಮೇಕಿಂಗ್‌ ಸಿನಿಮಾದಲ್ಲಿದ್ದು, ಕನ್ನಡದ ಸಕ್ಸಸ್‌ಫ‌ುಲ್‌ ಸಿನಿಮಾವೊಂದನ್ನು ತೆಲುಗಿನಲ್ಲಿ ಪ್ರೇಕ್ಷಕರ ಮುಂದೆ ತರುತ್ತಿರುವುದಕ್ಕೆ ಖುಷಿಯಾಗುತ್ತಿದೆ.
ಕನ್ನಡದಂತೆಯೇ ತೆಲುಗಿನಲ್ಲೂ “ಪುಷ್ಪರಾಜ್‌ ದಿ ಸೋಲ್ಜರ್‌’ ಸಿನಿಮಾ ದೊಡ್ಡ ಮಟ್ಟದಲ್ಲಿ ಯಶಸ್ವಿಯಾಗಲಿದೆ ಎಂಬ ವಿಶ್ವಾಸವನ್ನು ವ್ಯಕ್ತಪಡಿಸಿದೆ ಚಿತ್ರತಂಡ. ಅಂದಹಾಗೆ, 27ಕ್ಕೆ “ಪುಷ್ಪರಾಜ್‌ ದಿ ಸೋಲ್ಡರ್‌’ ಸಿನಿಮಾ ತೆಲುಗಿನಲ್ಲಿ ತೆರೆಗೆ ಬರಲಿದ್ದು, ತೆಲುಗಿನಲ್ಲಿ ಧ್ರುವ ಸರ್ಜಾ ಸಿನಿಮಾ ಹೇಗೆ ಕಮಾಲ್‌ ಮಾಡಲಿದೆ ಎಂಬ ಕುತೂಹಲಕ್ಕೆ, ಇದೇ ತಿಂಗಳಾಂತ್ಯದಲ್ಲಿ ಉತ್ತರ ಸಿಗಲಿದೆ.
