Advertisement

ವಾಲಾಡು ಮಗಾ ವಾಲಾಡು…ಧೀರನ್‌ ಹೈವೋಲ್ಟೇಜ್‌ ಸಾಂಗ್‌

05:34 PM May 11, 2022 | Team Udayavani |

ಸಿನಿಮಾಗಳಲ್ಲಿ ಬರುವ ಐಟಂ ಸಾಂಗ್‌, ಅದರಲ್ಲೂ ಎಣ್ಣೆ ಸಾಂಗ್‌ ಮಾಸ್‌ ಪ್ರೇಕ್ಷಕರಿಗೆ ಕಿಕ್ಕೇರಿಸುವು ದರಲ್ಲಿ ಎರಡು ಮಾತಿಲ್ಲ. ಈಗ ಅದೇ ರೀತಿ ಹೈವೋಲ್ಟೇಜ್‌ ಸಾಂಗ್‌ವೊಂದು ಬಿಡುಗಡೆಯಾಗಿದೆ.

Advertisement

ಅದು “ಧೀರನ್‌’ ಚಿತ್ರದ್ದು. “ವಾಲಾಡು ಮಗಾ ವಾಲಾಡು…’ ಎಂದು ಶುರುವಾಗುವ ಈ ಹಾಡನ್ನು ನವೀನ್‌ ಸಜ್ಜು ಹಾಡಿದ್ದಾರೆ.

ಸ್ವಾಮಿ ವೈ.ಬಿ.ಎನ್‌ ಸಾಹಿತ್ಯವಿರುವ ಈ ಹಾಡಿಗೆ ಆರ್‌.ಎಸ್‌.ಗಣೇಶ್‌ ನಾರಾಯಣ್‌ ಸಂಗೀತ ಸಂಯೋಜಿಸಿದ್ದಾರೆ. ಈ ಹಾಡಿನಲ್ಲಿ ಮುಂಬೈನ ಪೂಜಾ ಕಾಕಸ್ಕರ್‌ ಸ್ಟೆಪ್‌ ಹಾಕಿದ್ದಾರೆ. ಈಗಾಗಲೇ ಬಿಡುಗಡೆಯಾಗಿರುವ ಈ ಹಾಡು ಹಿಟ್‌ಲಿಸ್ಟ್‌ ಸೇರುವ ಮೂಲಕ ಚಿತ್ರತಂಡ ಖುಷಿಯಾಗಿದೆ.

“ಧೀರನ್‌ ಸಿನಿ ಸರ್ವೀಸ್‌’ ನಿರ್ಮಾಣವಿರುವ ಈ ಚಿತ್ರಕ್ಕೆ ಸ್ವಾಮಿ ವೈ.ಬಿ.ಎನ್‌ ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡುವುದರ ಜತೆಗೆ ಪ್ರಮುಖ ಪಾತ್ರವೊಂದಕ್ಕೆ ಬಣ್ಣ ಹಚ್ಚಿದ್ದಾರೆ.

ಚಿತ್ರದಲ್ಲಿ ಲಕ್ಷ್ಯ ಶೆಟ್ಟಿ, ಭಾಸ್ಕರ್‌, ಪ್ರಮೋದ್‌ ಶೆಟ್ಟಿ, ರಘು ಪಾಂಡೇಶ್ವರ, ಮಿಮಿಕ್ರಿ ದಯಾನಂದ್‌, ತೇಜಸ್ವಿನಿ ಪ್ರಕಾಶ್‌ ಸೇರಿದಂತೆ ಅನೇಕರು ನಟಿಸಿದ್ದಾರೆ. ಚಿತ್ರ ಮೇ 27ರಂದು ತೆರೆಕಾಣಲಿದ್ದು, ಈಗಾಗಲೇ ಚಿತ್ರದ ಪೋಸ್ಟರ್‌, ಟೀಸರ್‌ಗೆ ಮೆಚ್ಚಿಗೆ ವ್ಯಕ್ತವಾಗಿದೆ. ಚಿತ್ರದಲ್ಲಿ ಲವ್‌, ಆ್ಯಕ್ಷನ್‌, ಸೆಂಟಿಮೆಂಟ್‌ ಅಂಶಗಳನ್ನು ಹೇಳಲಾಗಿದೆಯಂತೆ. ಚಿತ್ರಕ್ಕೆ “ಟಗರು’ ಮಾಸ್ತಿ ಸಂಭಾಷಣೆ ಇದೆ.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next