Advertisement

‘ಅಖಂಡ ಭಾರತ’ವನ್ನು ಹೊಂದುವ ಅಗತ್ಯವಿದೆ : ಕಂಗನಾ ರಣಾವತ್

08:31 PM May 13, 2022 | Team Udayavani |

ಚಂಡೀಗಢ: ಬಾಲಿವುಡ್ ನಟಿ ಕಂಗನಾ ರಣಾವತ್ ಅವರು ‘ಅಖಂಡ ಭಾರತ’ವನ್ನು ಹೊಂದುವ ಅಗತ್ಯವಿದೆ ಎಂದು ಹೇಳಿಕೆ ನೀಡುವ ಮೂಲಕ ಮತ್ತೆ ಚರ್ಚೆಗೆ ಗುರಿಯಾಗಿದ್ದಾರೆ.

Advertisement

ಚಂಡೀಗಢದಲ್ಲಿ ಶುಕ್ರವಾರ ನಡೆದ ಕಾರ್ಯಕ್ರಮದಲ್ಲಿ ಮಾತನಾಡಿ, ತಮ್ಮ ಮುಂಬರುವ ಚಿತ್ರದ ಪ್ರಚಾರದ ಸಂದರ್ಭದಲ್ಲಿ, ಮೊಹಾಲಿಯಲ್ಲಿರುವ ಪಂಜಾಬ್ ಪೊಲೀಸ್ ಇಂಟೆಲಿಜೆನ್ಸ್ ಪ್ರಧಾನ ಕಚೇರಿಯಲ್ಲಿ ಇತ್ತೀಚೆಗೆ ನಡೆದ ಪ್ರತ್ಯೇಕತಾವಾದಿಗಳ ಗುಂಪೊಂದು ನಡೆಸಿದೆ ಎನ್ನಲಾದ ರಾಕೆಟ್ ಚಾಲಿತ ಗ್ರೆನೇಡ್ ದಾಳಿಯನ್ನು ಕಂಗನಾ ಪ್ರಸ್ತಾಪಿಸಿ, ತಪ್ಪಿತಸ್ಥರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳುವಂತೆ ಸರ್ಕಾರವನ್ನು ಒತ್ತಾಯಿಸಿದರು ಮತ್ತು ಅಂತಹ ಗೂಂಡಾಗಳನ್ನು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹಣ ಪಡೆದ ಭಯೋತ್ಪಾದಕರು ಎಂದು ಕರೆದು, ಈ ಹೇಳಿಕೆ ನೀಡಿದ್ದಾರೆ.

“ಪಂಜಾಬ್ ಯಾವಾಗಲೂ ಭಾರತದ ಭಾಗವಾಗಿದೆ, ಜನರು ತಮ್ಮ ದೇಶಕ್ಕಾಗಿ ಸಮಸ್ಯೆಗಳನ್ನು ಎತ್ತುತ್ತಾರೆ ಎಂಬ ಕಾರಣಕ್ಕೆ ನಾವು ಅವರಿಗೆ ನಮ್ಮ ದೇಶದ ಭಾಗವನ್ನು ನೀಡುತ್ತೇವೆ ಎಂದರ್ಥವಲ್ಲ. ಅಂತಹ ಗೂಂಡಾಗಳು ಅಂತಾಷ್ಟ್ರೀಯವಾಗಿ ಹಣ ಪಡೆದ ಭಯೋತ್ಪಾದಕರು. ಸಾಮಾನ್ಯ ನಾಗರಿಕರು ಅವರನ್ನು ಬೆಂಬಲಿಸುವುದಿಲ್ಲ. ನಾವು ಭಾರತೀಯರು ಮತ್ತು ಅಖಂಡ ಭಾರತ ಬೇಕು. ಇಲ್ಲಿ ಯಾವುದೇ ಅಪರಾಧ ಚಟುವಟಿಕೆಗಳು ನಡೆಯುತ್ತಿವೆ, ಅದು ಜಿಹಾದಿಗಳು ಅಥವಾ ಖಲಿಸ್ಥಾನಿಗಳು, ಎಲ್ಲರೂ ಕಾನೂನು ಮತ್ತು ಸುವ್ಯವಸ್ಥೆಯೊಂದಿಗೆ ವ್ಯವಹರಿಸಬೇಕು. ಸರ್ಕಾರವು ಅದರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಬೇಕು”ಎಂದು ಆಗ್ರಹಿಸಿದ್ದಾರೆ.

ಇದನ್ನೂ ಓದಿ : ಅಲ್ಪಸಂಖ್ಯಾತರ ಮೇಲೆ ದಬ್ಬಾಳಿಕೆ, ಗಾಂಧಿ ಕೊಂದವರ ವೈಭವೀಕರಣ; ಬಿಜೆಪಿ ವಿರುದ್ಧ ಸೋನಿಯಾ ಟೀಕೆ

ಗಮನಾರ್ಹವಾಗಿ, ರಾಷ್ಟ್ರೀಯ ಸ್ವಯಂಸೇವಕ ಸಂಘದ ‘ಅಖಂಡ ಭಾರತ’ದ ಕಲ್ಪನೆಯು ಪಾಕಿಸ್ಥಾನ ಮತ್ತು ಬಾಂಗ್ಲಾದೇಶವನ್ನು ಮಾತ್ರವಲ್ಲದೆ ಅಫ್ಘಾನಿಸ್ಥಾನ, ಮ್ಯಾನ್ಮಾರ್, ಶ್ರೀಲಂಕಾ ಮತ್ತು ಟಿಬೆಟ್ ಅನ್ನು ಒಳಗೊಂಡಿದೆ. ಇದು ಸಂಯೋಜಿತ ಪ್ರದೇಶವನ್ನು ‘ಹಿಂದೂ ರಾಷ್ಟ್ರ’ ಎಂಬ ಸಾಂಸ್ಕೃತಿಕ’ ಹೋಲಿಕೆಗಳನ್ನು ಆಧರಿಸಿದೆ.

Advertisement

ಮುಂಬರುವ ಆಕ್ಷನ್-ಡ್ರಾಮಾ ‘ಧಕಡ್’ ಗಾಗಿ ಪ್ರಚಾರಗಳನ್ನು ಮಾಡುತ್ತಿದ್ದು, ಚಿತ್ರದಲ್ಲಿ ಕಂಗನಾ ಜತೆ ಮುಖ್ಯ ಪಾತ್ರದಲ್ಲಿ ಅರ್ಜುನ್ ರಾಂಪಾಲ್, ದಿವ್ಯಾ ದತ್ತಾ ಮತ್ತು ಶಾಶ್ವತ ಚಟರ್ಜಿ ಪೋಷಕ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರವು ಮೇ 20 2022 ರಂದು ಬಿಡುಗಡೆಯಾಲಿದೆ. 35 ವರ್ಷದ ನಟಿ ಈ ಚಿತ್ರದಲ್ಲಿ ಏಜೆಂಟ್ ಅಗ್ನಿಯಾಗಿ ಕಾಣಿಸಿಕೊಂಡಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next