ಮೋದಿ ಸರಕಾರದಿಂದ ಎಚ್‌ಎಎಲ್‌, ಒಎನ್‌ಜಿಸಿ ಆಸ್ತಿ ಪೋಲು : ಕಾಂಗ್ರೆಸ್‌

ಹೊಸದಿಲ್ಲಿ : ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರ ಪಿಎಸ್‌ಯು ಉದ್ದಿಮೆಗಳಾದ ಎಚ್‌ಎಎಲ್‌ ಮತ್ತು ಒಎನ್‌ಜಿಸಿ ಸೊತ್ತುಗಳನ್ನು ಕೆಲವೇ ಕೆಲವು ಆಯ್ದ  ವ್ಯಕ್ತಿಗಳಿಗೆ ಲಾಭವಾಗುವ ರೀತಿಯಲ್ಲಿ  ಬೇಕಾಬಿಟ್ಟಿ  ಪೋಲು ಮಾಡುತ್ತಿದೆ ಎಂದು ಕಾಂಗ್ರೆಸ್‌ ಆರೋಪಿಸಿದೆ. 

ಎಚ್‌ಎಎಲ್‌ ತನ್ನ ನೌಕರರಿಗೆ ತಿಂಗಳ ಸಂಬಳವನ್ನು ಕೊಡಲು ಸಾಧ್ಯವಾಗದೆ ಅದಕ್ಕಾಗಿ 1,000 ಕೋಟಿ ರೂ. ಸಾಲ ಪಡೆಯುತ್ತಿದೆ ಎಂದು ಹಿರಿಯ ಕಾಂಗ್ರೆಸ್‌ ನಾಯಕ ಅಹ್ಮದ್‌ ಪಟೇಲ್‌ ಟ್ವೀಟ್‌ ಮಾಡಿದ್ದಾರೆ. 

ಎಚ್‌ಎಎಲ್‌ ಮಾತ್ರವಲ್ಲ, ಒಎನ್‌ಜಿಸಿ, ಎಲ್‌ಐಸಿ, ಎಚ್‌ಪಿಸಿಎಲ್‌, ಜಿಎಸ್‌ಪಿಸಿ ಅಥವಾ ಬೇರೆ ಯಾವುದೇ ಸಾರ್ವಜನಿಕ ಉದ್ದಿಮೆಗಳ ಆಸ್ತಿಪಾಸ್ತಿಗಳನ್ನು ಸರಕಾರ ಕೆಲವೇ ಕೆಲವರಿಗೆ ಲಾಭ ಮಾಡಿಕೊಡುವ ರೀತಿಯಲ್ಲಿ ಪೋಲು ಮಾಡುತ್ತಿದೆ ಎಂದು ಪಟೇಲ್‌ ಆರೋಪಿಸಿದರು.