ಅಮೃತೇಶ್ವರೀ ದೇಗುಲದಲ್ಲಿ ದೇವೇಗೌಡ ದಂಪತಿ ವಿಶೇಷ ಪೂಜೆ

ಕೋಟ: ಮಾಜಿ ಪ್ರಧಾನಿ ಎಚ್‌.ಡಿ. ದೇವೇಗೌಡ ಅವರು ಪತ್ನಿ ಚೆನ್ನಮ್ಮ ಜತೆಗೆ ಕೋಟ ಅಮೃತೇಶ್ವರೀ ದೇಗುಲಕ್ಕೆ ಭೇಟಿ ನೀಡಿದ ಸಂದರ್ಭ ಇಲ್ಲಿನ ವಿಶೇಷ ಹರಕೆಗಳಲ್ಲಿ ಒಂದಾದ ಹಲವು ಮಕ್ಕಳ ಲಿಂಗಕ್ಕೆ ಎಣ್ಣೆ ಅಭಿಷೇಕ ಸೇವೆ ಸಲ್ಲಿಸಿದರು.

ಮನದ ಇಷ್ಟಾರ್ಥಗಳನ್ನು ನಿವೇದಿಸಿಕೊಂಡು ಹಲವು ಮಕ್ಕಳ ಲಿಂಗಕ್ಕೆ ಎಣ್ಣೆ ಅಭಿಷೇಕ ಮಾಡಿದರೆ ಈಡೇರುತ್ತವೆ ಎನ್ನುವುದು ನಂಬಿಕೆ. ಅದೇ ರೀತಿ ದೇಗುಲಕ್ಕೆ ಆಗಮಿಸಿದ ಗೌಡ ದಂಪತಿ ಈ ಸೇವೆಯನ್ನು ನೆರವೇರಿಸಿ ವಿಶೇಷ ಪೂಜೆ ಸಲ್ಲಿಸಿರುವುದು ಕುತೂಹಲಕ್ಕೆ ಕಾರಣವಾಯಿತು.

ಈ ಕುರಿತು ದೇವೇಗೌಡರನ್ನು ಮಾಧ್ಯಮ ಪ್ರತಿನಿಧಿಗಳು ಪ್ರಶ್ನಿಸಿದಾಗ, ಪತ್ನಿಗೆ ಪ್ರತಿ ಶುಕ್ರವಾರ ದೇವಿ ದೇಗುಲಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸುವ ಕ್ರಮ ಇದೆ. ಅದರಂತೆ ಇಲ್ಲಿಗೆ ಆಗಮಿಸಿರುವೆ. ಬೇರಾವುದೇ ವಿಶೇಷವಿಲ್ಲ ಎಂದರು.