ತಿಂಗಳಲ್ಲೇ ಚಾನೆಲ್‌ಗ‌ಳಿಗೆ ದೇಶದಿಂದಲೇ ಅಪ್‌ಲಿಂಕಿಂಗ್‌ ವ್ಯವಸ್ಥೆ

ನವದೆಹಲಿ: ಉಪಗ್ರಹ ಚಾನೆಲ್‌ಗ‌ಳಿಗೆ ಅನುಗುಣವಾಗುವ ನಿಟ್ಟಿನಲ್ಲಿ ಮುಂದಿನ ಒಂದು ತಿಂಗಳ ಅವಧಿಯಲ್ಲಿ ದೇಶದಿಂದ ಅಪ್‌ಲಿಂಕಿಂಗ್‌ಗೆ ಅವಕಾಶ ಮಾಡಿಕೊಡಲಾಗುತ್ತದೆ ಎಂದು ಕೇಂದ್ರ ಸರ್ಕಾರ ಶುಕ್ರವಾರ ಸ್ಪಷ್ಟಪಡಿಸಿದೆ.

ನವದೆಹಲಿಯಲ್ಲಿ ಭಾರತದ ಬಾಹ್ಯಾಕಾಶ ಸಮಾವೇಶದಲ್ಲಿ ಮಾತನಾಡಿದ ಕೇಂದ್ರ ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ ಕಾರ್ಯದರ್ಶಿ ಅಪೂರ್ವಚಂದ್ರ “ದೇಶದಲ್ಲಿ ಇರುವ 898 ಟಿವಿ ಚಾನೆಲ್‌ಗ‌ಳ ಪೈಕಿ, 532 ಚಾನೆಲ್‌ಗ‌ಳು ವಿದೇಶಿ ಉಪಗ್ರಹಗಳನ್ನು ಅಪ್‌ಲಿಂಕಿಂಗ್‌ ಮತ್ತು ಡೌನ್‌ಲಿಂಕಿಂಗ್‌ (ಕಾರ್ಯಕ್ರಮಗಳ ಸಿಗ್ನಲ್‌ಗ‌ಳನ್ನು ವೀಕ್ಷಕರಿಗೆ ಲಭ್ಯವಾಗುವಂತೆ ಮಾಡುವ ಪ್ರಕ್ರಿಯೆ)ಗೆ ಬಳಕೆ ಮಾಡುತ್ತಿವೆ. ಈ ವ್ಯವಸ್ಥೆ ನಮ್ಮ ದೇಶದಲ್ಲಿಲ್ಲ. ಮುಂದಿನ ದಿನಗಳಲ್ಲಿ ದೇಶದಿಂದಲೇ ಚಾನೆಲ್‌ಗ‌ಳಿಗೆ ಇಂಥ ಸೌಲಭ್ಯ ನೀಡುವ ಉದ್ದೇಶ ಇದೆ.

ಈ ಮೂಲಕ ದೇಶವನ್ನು ಅಪ್‌ಲಿಂಕಿಂಗ್‌ ಹಬ್‌ ಆಗಿ ಮಾಡುವ ಉದ್ದೇಶ ಕೇಂದ್ರ ಸರ್ಕಾರಕ್ಕೆ ಇದೆ. 2011ರಲ್ಲಿ ಈ ನಿಯಮಗಳನ್ನು ಪರಿಷ್ಕರಣೆ ಮಾಡಲಾಗಿತ್ತು. ಮುಂದಿನ ಒಂದು ತಿಂಗಳಲ್ಲಿ ಪರಿಷ್ಕೃತ ನಿಯಮಗಳನ್ನು ಜಾರಿ ಮಾಡಲಾಗುತ್ತದೆ ಎಂದರು.