ಮಾತಾಡದಕ್ಕೆ 6 ಬಾರಿ ಇರಿದ!

ನವದೆಹಲಿ :  ಶ್ರದ್ಧಾ ವಾಲ್ಕರ್‌ ಹತ್ಯೆ ಘಟನೆ ಬೆನ್ನಲ್ಲೇ ನವದೆಹಲಿಯಲ್ಲಿ ಬೆಚ್ಚಿ ಬೀಳಿಸುವ ಘಟನೆ ನಡೆದಿದ್ದು, 21 ವರ್ಷದ ಯುವತಿಗೆ ಆಕೆಯ ಸ್ನೇಹಿತನೇ ಆರು ಬಾರಿ ಇರಿದು ಹತ್ಯೆ ಮಾಡಲು ಯತ್ನಿಸಿದ ಘಟನೆ ನಡೆದಿದೆ.

ನವದೆಹಲಿಯ ಆದರ್ಶನಗರದ ಯುವತಿ, 5 ವರ್ಷದಿಂದ ಸುಖ್ವಿಂದರ್‌ ಸಿಂಗ್‌ ಜತೆಗೆ ಸ್ನೇಹದಿಂದ ಇದ್ದಳು. ಯುವತಿ ಮಾತು ಬಿಟ್ಟ ಹಿನ್ನೆಲೆಯಲ್ಲಿ ಕ್ರೋಧದಿಂದ ಸುಖ್ವಿಂದರ್‌ ಇರಿದಿದ್ದಾನೆ. ಆಕೆಯನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆರೋಪಿಯನ್ನು ಬಂಧಿಸಲಾಗಿದೆ.

ಏತನ್ಮಧ್ಯೆ, ಶ್ರದ್ಧಾ ಹತ್ಯೆ ಪ್ರಕರಣ ಸಂಬಂಧಿಸಿದಂತೆ ಬೆಳವಣಿಗೆ ವರದಿಯಾಗಿದ್ದು, ಮೆಹ್ರೌಲಿ ಅರಣ್ಯ ಪ್ರದೇಶದಲ್ಲಿ  ಪೊಲೀಸರು ವಶಪಡಿಸಿಕೊಂಡಿದ್ದ ಕೂದಲು ಹಾಗೂ ಮೂಳೆಗಳ ಮಾದರಿಯು ಡಿಎನ್‌ಎ ಪರೀಕ್ಷೆಯಲ್ಲಿ ಶ್ರದ್ಧಾಳ ತಂದೆ ಹಾಗೂ ಸಹೋದರನ ಮಾದರಿಗೆ ಹೊಂದಿಕೆಯಾಗಿದೆ.