ಹಿಟ್‌&ರನ್:‌ ಐಸ್‌ ಕ್ರೀಮ್‌ ವ್ಯಾಪಾರಿಯನ್ನು ಢಿಕ್ಕಿ ಹೊಡೆದು ಕಿ.ಮೀಗಟ್ಟಲೇ ಎಳೆದೊಯ್ದ ಕಾರು

ಚಂಡೀಗಢ: ಇತ್ತೀಚೆಗೆ ಹಿಟ್‌ ‍& ರನ್‌ ಪ್ರಕರಣಗಳು ಹೆಚ್ಚಾಗುತ್ತಿದೆ. ದೆಹಲಿಯ ಸುಲ್ತಾನ್‌ ಪುರಿಯಲ್ಲಿ ನಡೆದ ಪ್ರಕರಣದ ಬಳಿಕ ಕೆಲ ಘಟನೆಗಳು ಅಂಥದ್ದೇ ಮಾದರಿಯಲ್ಲಿ ನಡೆದಿದೆ. ಇದೀಗ ಮತ್ತೊಂದು ಘಟನೆ ಹರಿಯಾಣದಲ್ಲಿ ನಡೆದಿದೆ.

ಐಸ್‌ ಕ್ರೀಮ್‌ ವ್ಯಾಪಾರಿಯೊಬ್ಬನಿಗೆ ಕಾರು ಢಿಕ್ಕಿ ಹೊಡೆದು ಆತನನ್ನು ಕಿ.ಮೀಗಟ್ಟಲೇ ಎಳೆದೊಯ್ದ ಘಟನೆ ಯಮುನಾ ನಗರದಲ್ಲಿ ನಡೆದಿದೆ.

ರಸ್ತೆ ಬದಿ ಐಸ್‌ ಕ್ರೀಮ್‌ ಮಾರುತ್ತಿದ್ದ ರಾಮಕುಮಾರ್ ಅವರ ಟ್ರಾಲಿ( ತಳ್ಳುಗಾಡಿ) ಗೆ ವೇಗವಾಗಿ ಬಂದ ಕಾರೊಂದು ಢಿಕ್ಕಿ ಹೊಡೆದಿದೆ. ಢಿಕ್ಕಿ ಹೊಡೆದು ಟ್ರಾಲಿಯೊಂದಿಗೆ ಐಸ್‌ ಕ್ರೀಮ್‌ ವ್ಯಾಪಾರಿಯನ್ನು ಸಹಿತ ಕಿ.ಮೀಗಟ್ಟಲೇ ಎಳೆದೊಯ್ದಿದ್ದಾನೆ. ಪರಿಣಾಮ ರಾಮ್‌ ಕುಮಾರ್‌ ಸ್ಥಳದಲ್ಲೇ ಉಸಿರು ಚೆಲ್ಲಿದ್ದಾರೆ.

ಈ ಬಗ್ಗೆ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಕಾರನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ ಎಂದು ವರದಿ ತಿಳಿಸಿದೆ.

ವರ್ಷದ ಆರಂಭದಲ್ಲಿ ದೆಹಲಿಯ ಸುಲ್ತಾನ್‌ ಪುರಿ ಸ್ಕೂಟರ್‌ ನಲ್ಲಿ ಹೋಗುತ್ತಿದ್ದ ಅಂಜಲಿ ಸಿಂಗ್‌ ಎಂಬುವವರನ್ನು ಢಿಕ್ಕಿ ಹೊಡೆದು ಎಳೆದೊಯ್ದ ಘಟನೆ ದೇಶವನ್ನೇ ಬೆಚ್ಚಿ ಬೀಳಿಸಿತ್ತು. ಈ ಪ್ರಕರಣದಲ್ಲಿ 5 ಮಂದಿಯನ್ನು ಬಂಧಿಸಿದ್ದಾರೆ.