ಪಾಟ್ನಾ: ದೀಪಿಕಾ ಪಡುಕೋಣೆ “ತುಕ್ಡೆ-ತುಕ್ಡೆ ಗ್ಯಾಂಗ್ ಸದಸ್ಯೆ” ಮತ್ತು ಶಾರುಖ್ ಖಾನ್”ಪಿಎಫ್ಐ ಏಜೆಂಟ್” ಎಂದು ಬಿಜೆಪಿ ಶಾಸಕ ಹರಿಭೂಷಣ್ ಠಾಕೂರ್ ಬಚೌಲ್ ಬುಧವಾರ ಆರೋಪಿಸಿದ್ದಾರೆ.
“ಕೇಸರಿ ಬಣ್ಣವು ತ್ಯಾಗ ಮತ್ತು ಸಂಯಮವನ್ನು ಸೂಚಿಸುತ್ತದೆ ಆದರೆ ತುಕ್ಡೆ-ತುಕ್ಡೆ ತಂಡದ ಸದಸ್ಯೆ ದೀಪಿಕಾ ಪಡುಕೋಣೆ ಕೇಸರಿ ಬಣ್ಣದ ಒಳಉಡುಪು ಧರಿಸಿದ್ದಾರೆ. ದೀಪಿಕಾ ಜೆಎನ್‌ಯುಗೆ ಮಾತ್ರ ಏಕೆ ಹೋಗಿದ್ದರು. ಅಂತಹ ಘಟನೆಗಳು ದೇಶದ ಹಲವಾರು ಸ್ಥಳಗಳಲ್ಲಿ ನಡೆದಿವೆ. ಈ ಚಿತ್ರಕ್ಕೆ ಸಂಬಂಧಿಸಿದವರು ಸದಸ್ಯರು ಐಎಸ್ ಮತ್ತು ಘಜ್ವಾ-ಇ-ಹಿಂದ್ ಬೆಂಬಲಿಗರು” ಎಂದು ಬಚೌಲ್ ಹೇಳಿದ್ದಾರೆ.
ಜೆಎನ್‌ಯು ಹಿಂಸಾಚಾರದಿಂದ ದಾಳಿಗೊಳಗಾದ ವಿದ್ಯಾರ್ಥಿಗಳಿಗೆ ಒಗ್ಗಟ್ಟು ಪ್ರದರ್ಶಿಸಲು ದೀಪಿಕಾ ಜನವರಿ 9, 2020 ರಂದು ಜೆಎನ್‌ಯುಗೆ ಭೇಟಿ ನೀಡಿದ್ದರು.
“ಶಾರುಖ್ ಖಾನ್ ಒಬ್ಬ ಪಿಎಫ್ಐ ಏಜೆಂಟ್, ಚಿತ್ರದ ನಿರ್ಮಾಪಕರು ಹಿಂದೂಗಳನ್ನು ಅವಮಾನಿಸಲು ಇದನ್ನು ಮಾಡಿದ್ದಾರೆ” ಪಠಾಣ್ ಚಿತ್ರದ `ಬೇಷರಂ ರಂಗ್ ಹಾಡು, ದೀಪಿಕಾ ಧರಿಸಿರುವ ಕೇಸರಿ ಬಣ್ಣದ ಬಿಕಿನಿ ಮತ್ತು ಕೆಲವು ಆಕ್ಷೇಪಾರ್ಹ ದೃಶ್ಯಗಳ ಕುರಿತು ವಿವಾದ ಸೃಷ್ಟಿಸಿತ್ತು. ತೀವ್ರ ಪ್ರತಿಭಟನೆಯಿಂದಾಗಿ ಸೆನ್ಸಾರ್ ಮಂಡಳಿಯು ಚಿತ್ರದ ಕೆಲವು “ಆಕ್ಷೇಪಾರ್ಹ” ದೃಶ್ಯಗಳಿಗೆ ಕತ್ತರಿ ಹಾಕಿದೆ. ಬಿಹಾರದಲ್ಲಿ ಪಠಾಣ್ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.