ಅಪರಿಚಿತ ವ್ಯಕ್ತಿ ಸಾವು

ಮಂಗಳೂರು: ನಗರದ ಮಹಾಕಾಳಿಪಡ್ಪು ಜೆಪ್ಪು ಬಳಿ ಇದ್ದ ಸುಮಾರು 60 ವರ್ಷ ವಯಸ್ಸಿನ ವ್ಯಕ್ತಿಯನ್ನು ಮಾ. 19ರಂದು ವೆನ್ಲಾಕ್‌ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅವರು ಮಾ. 20ರಂದು ಮೃತಪಟ್ಟಿದ್ದಾರೆ.

ಹೆಸರು ರಾಜೇಶ್‌ ಎಂಬುದಾಗಿ ತಿಳಿದಿದೆ. ಅವರ ವಿಳಾಸ ಪತ್ತೆಯಾಗಿಲ್ಲ. ಬಿಳಿ ಮೈಬಣ್ಣ, ಸುಮಾರು 5.7 ಅಡಿ ಎತ್ತರ, ಸಪೂರ ಶರೀರ, ಸಾಧಾರಣ ಮೈಕಟ್ಟು, ಕಪ್ಪು ಮತ್ತು ಬಿಳಿ ಮಿಶ್ರಿತ ಕೂದಲು ಹೊಂದಿದ್ದು ಕುತ್ತಿಗೆಯಲ್ಲಿ ಹಚ್ಚೆ ಇದೆ. ವಾರಸುದಾರರು ಅಥವಾ ಮಾಹಿತಿ ಗೊತ್ತಿರುವವರು ಇದ್ದರೆ ಮಂಗಳೂರು ಉತ್ತರ ಠಾಣೆ ಸಂಪರ್ಕಿಸುವಂತೆ ಪೊಲೀಸರು ತಿಳಿಸಿದ್ದಾರೆ.