Siddapura ಗೋರಿಜೆಡ್ಡು ಘಟನೆ ಕೊಲೆಯಲ್ಲ: ಬೈಕ್‌ ಅಪಘಾತದಲ್ಲಿ ಸಾವು

ಸಿದ್ದಾಪುರ: ಆಜ್ರಿ ಗ್ರಾಮದ ಗೋರಿಜೆಡ್ಡು ಎಂಬಲ್ಲಿ ನ.30ರ ರಾತ್ರಿ ತನ್ನ ಸಹೋದರ ಮಂಜುನಾಥ (36) ಅವರನ್ನು ಬೈಕ್‌ ಅಪಘಾತದ ರೀತಿಯಲ್ಲಿ ಕೊಲೆ ಮಾಡಲಾಗಿದೆ ಎಂದು ಸತೀಶ್‌ (33) ಅವರು ಪೊಲೀಸರಿಗೆ ದೂರು ನೀಡಿದ್ದರು.

ಈ ಹಿನ್ನೆಲೆಯಲ್ಲಿ ತನಿಖೆ ನಡೆಸಿದ ಶಂಕರನಾರಾಯಣ ಪೊಲೀಸರು ಇದೊಂದು ಬೈಕ್‌ ಮತ್ತು ಸ್ಕೂಟರ್‌ ನಡುವೆ ನಡೆದ ಮುಖಾಮುಖೀ ಅಪಘಾತ ವಾಗಿದ್ದು ಕೊಲೆಯಲ್ಲ ಎಂದು ತಿಳಿದು ಬಂದಿದೆ.

ಈ ಅಪಘಾತದಲ್ಲಿ ಬೈಕ್‌ ಸವಾರ ಮಂಜುನಾಥ ಮೃತಪಟ್ಟಿದ್ದರು. ಸ್ಕೂಟರ್‌ ಸವಾರರಾದ ಮನೋಜ್‌ ಮತ್ತು ಶಶಿಕಾಂತ್‌ ಗಂಭೀರವಾಗಿ ಗಾಯಗೊಂಡು, ಕೋಟೇಶ್ವರ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದಾರೆ.

ಶಂಕರನಾರಾಯಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.