3 ವರ್ಷದಿಂದ ದಾವೂದ್‌ ಫೋನ್‌ ಸೈಲೆಂಟ್‌

ಹೊಸದಿಲ್ಲಿ: ಭೂಗತ ಪಾತಕಿ ದಾವೂದ್‌ ಇಬ್ರಾಹಿಂನ ಫೋನ್‌ ಮೂರು ವರ್ಷಗಳಿಂದ ಸ್ತಬ್ದವಾಗಿರುವ ಅಂಶ ಬೆಳಕಿಗೆ ಬಂದಿದೆ. 2016ರಲ್ಲಿ ದಿಲ್ಲಿ ಪೊಲೀಸರು ಹದಿನೈದು ನಿಮಿಷಗಳ ಕಾಲ ಆತನ ಫೋನ್‌ ಕರೆಯನ್ನು ಛೇದಿಸಿ ವಿವರ ಆಲಿಸಿದ್ದೇ ಕೊನೆ. ಅನಂತರದ ವರ್ಷಗಳಲ್ಲಿ ಆತ ಫೋನ್‌ನಲ್ಲಿ ಮಾತನಾಡಿದ ಅಂಶ ಬೆಳಕಿಗೆ ಬಂದಿಲ್ಲ ಎಂದು ಹಿರಿಯ ಪೊಲೀಸ್‌ ಅಧಿಕಾರಿ ಖಚಿತಪಡಿಸಿದ್ದಾರೆ.

ಇಷ್ಟು ಮಾತ್ರವಲ್ಲದೆ ಆತ ಕರಾಚಿಯಿಂದಲೇ ತನ್ನ ಭೂಗತ ಜಗತ್ತಿನ ವಹಿವಾಟುಗಳನ್ನು ನಿಯಂತ್ರಿಸುತ್ತಿದ್ದಾನೆ ಎಂದು ಗೊತ್ತಾಗಿದೆ. ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್‌ ದೊವಾಲ್‌ ಐರೋಪ್ಯ ಮತ್ತು ಮಧ್ಯ ಪ್ರಾಚ್ಯ ರಾಷ್ಟ್ರಗಳಲ್ಲಿ ಆತನ ಜಾಲ ನಿಗ್ರಹಿಸುವ ಬಗ್ಗೆ ಕ್ರಮ ಕೈಗೊಂಡದ್ದು ಹಿನ್ನಡೆಯಾಗಿ ಪರಿಣಮಿಸಿತ್ತು.