ವೆಸ್ಟ್‌ ಇಂಡೀಸ್‌ ಸರಣಿಗೆ ಮರಳಿದ ಡೇವಿಡ್‌ ವಾರ್ನರ್‌

ಮೆಲ್ಬರ್ನ್: ಪ್ರವಾಸಿ ವೆಸ್ಟ್‌ ಇಂಡೀಸ್‌ ವಿರುದ್ಧ ಆಡಲಾಗುವ ಎರಡು ಪಂದ್ಯಗಳ ಟಿ20 ಸರಣಿಗೆ ಆರಂಭಕಾರ ಡೇವಿಡ್‌ ವಾರ್ನರ್‌ ಆಸ್ಟ್ರೇಲಿಯ ತಂಡಕ್ಕೆ ಮರಳಿದ್ದಾರೆ. ಮಿಚೆಲ್‌ ಮಾರ್ಷ್‌, ಮಾರ್ಕಸ್‌ ಸ್ಟೋಯಿನಿಸ್‌, ಮಿಚೆಲ್‌ ಸ್ಟಾರ್ಕ್‌ ಕೂಡ ವಾಪಸಾಗಿದ್ದಾರೆ.

ಇವರೆಲ್ಲ ಕಳೆದ ಭಾರತ ಪ್ರವಾಸದಿಂದ ಹೊರಗುಳಿದಿದ್ದರು. ವಾರ್ನರ್‌ಗೆ ವಿಶ್ರಾಂತಿ ನೀಡಲಾಗಿತ್ತು. ಉಳಿದ ಮೂವರು ಗಾಯಾಳಾಗಿದ್ದರು. ಈ ಬಾರಿ ವಿಶ್ರಾಂತಿ ಪಡೆದವರೆಂದರೆ ಎಡಗೈ ಸ್ಪಿನ್ನರ್‌ ಆ್ಯಶrನ್‌ ಅಗರ್‌ ಮತ್ತು ಪೇಸ್‌ ಬೌಲರ್‌ ಕೇನ್‌ ರಿಚರ್ಡ್‌ಸನ್‌.

ಪಂದ್ಯಗಳು ಅ. 5 ಮತ್ತು ಅ. 7ರಂದು ನಡೆಯಲಿವೆ. ಬಳಿಕ ಇಂಗ್ಲೆಂಡ್‌ ವಿರುದ್ಧ 3 ಪಂದ್ಯಗಳ ಇನ್ನೊಂದು ಟಿ20 ಸರಣಿಯಲ್ಲಿ ಆಸ್ಟ್ರೇಲಿಯ ಪಾಲ್ಗೊಳ್ಳಲಿದೆ.

ಆಸ್ಟ್ರೇಲಿಯ ತಂಡ: ಆರನ್‌ ಫಿಂಚ್‌ (ನಾಯಕ), ಸೀನ್‌ ಅಬೋಟ್‌, ಪ್ಯಾಟ್‌ ಕಮಿನ್ಸ್‌, ಟಿಮ್‌ ಡೇವಿಡ್‌, ಕ್ಯಾಮರಾನ್‌ ಗ್ರೀನ್‌, ಜೋಶ್‌ ಹೇಝಲ್‌ವುಡ್‌, ಜೋಶ್‌ ಇಂಗ್ಲಿಸ್‌, ಮಿಚೆಲ್‌ ಮಾರ್ಷ್‌, ಗ್ಲೆನ್‌ ಮ್ಯಾಕ್ಸ್‌ವೆಲ್‌, ಡೇನಿಯಲ್‌ ಸ್ಯಾಮ್ಸ್‌, ಸ್ಟೀವನ್‌ ಸ್ಮಿತ್‌, ಮಿಚೆಲ್‌ ಸ್ಟಾರ್ಕ್‌, ಮಾರ್ಕಸ್‌ ಸ್ಟೋಯಿನಿಸ್‌, ಮ್ಯಾಥ್ಯೂ ವೇಡ್‌, ಡೇವಿಡ್‌ ವಾರ್ನರ್‌, ಆ್ಯಡಂ ಝಂಪ.