ಹೊನ್ನಾಳಿ: ಕನ್ನಡ ಸಾಹಿತ್ಯ ಪರಿಷತ್ತು ವತಿಯಿಂದ ನ್ಯಾಮತಿ ತಾಲೂಕು ಚೀಲೂರು ಗ್ರಾಮದ ಅಕ್ಕನ ಬಳಗದಲ್ಲಿ ಕದಳಿ ಮಹಿಳಾ ವೇದಿಕೆ ವತಿಯಿಂದ ವಚನ ಸಂಕ್ರಾಂತಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.
ಜಿಲ್ಲಾ ಕಸಾಪ ಅಧ್ಯಕ್ಷ ಎಚ್‌.ಎಸ್‌. ಮಂಜುನಾಥ ಕುರ್ಕಿ ಮಾತನಾಡಿ, ಅಜ್ಞಾನ ಮತ್ತು ಮೌಡ್ಯದ ಹೊದಿಕೆಯನ್ನು ಪಕ್ಕಕ್ಕೆ ಸರಿಸಿ ಜನರನ್ನು ಸುಜ್ಞಾನದತ್ತ ತೆಗೆದುಕೊಂಡು ಹೋಗಿದ್ದು ವಚನ ಸಾಹಿತ್ಯ. 12ನೇ ಶತಮಾನಕ್ಕಿಂತ ಮೊದಲು ಅರಮನೆಯಲ್ಲಿ ರಾಜಾಶ್ರಯದಲ್ಲಿದ್ದ ಸಾಹಿತ್ಯವನ್ನು ಬಸವಣ್ಣನವರ ಕಾಲದಲ್ಲಿ ವಚನಗಳ ಮುಖಾಂತರ ಪಂಡಿತರ ಕಪಿಮುಷ್ಟಿಯಿಂದ ಹೊರ ಬಂದಿತು ಎಂದು ಹೇಳಿದರು.
ಸಾನ್ನಿಧ್ಯ ವಹಿಸಿದ್ದ ಶಿವಮೊಗ್ಗ ಬಸವ ಕೇಂದ್ರದ ಬಸವ ಮರಳಸಿದ್ದ ಸ್ವಾಮೀಜಿ ಮಾತನಾಡಿ, ದೂರದರ್ಶನಗಳು ಪ್ರಸಾರ ಮಾಡುವ ಧಾರವಾಹಿಗಳಿಂದ ಪ್ರೀತಿ, ವಿಶ್ವಾಸ, ನಂಬಿಕೆಗಳು ಮಾಯವಾಗಿ ಭಯ, ಸಂಶಯ ತಲ್ಲಣಗಳು ವೀಕ್ಷಕರಲ್ಲಿ ಉಂಟು ಮಾಡಿವೆ ಎಂದು ಹೇಳಿದರು.
ದಾವಣಗೆರೆ ಎವಿಕೆ ಮಹಿಳಾ ಕಾಲೇಜು ಪ್ರಾಧ್ಯಾಪಕಿ ಗೀತಾ ಉಪನ್ಯಾಸ ನೀಡಿದರು. ಜಿಪಂ ಸದಸ್ಯ ಡಿ.ಜಿ. ವಿಶ್ವನಾಥ್‌, ಸೋಗಿಲು ಚಂದ್ರಶೇಖರಪ್ಪ ಮಾತನಾಡಿದರು. ಗ್ರಾಪಂ ಸದಸ್ಯರಾದ ಕೆ.ಎಚ್‌. ಹಾಲೇಶ್‌, ಆರ್‌.ಬಾಬು, ನಾಗಮ್ಮ, ರೂಪ, ರಾಟೆಮನೆ ರತ್ನಮ್ಮ, ಅನ್ನಪೂರ್ಣಮ್ಮ ಉಪಸ್ಥಿತರಿದ್ದರು. ಶಿವಯೋಗಿ ಪ್ರಾಸ್ತಾವಿಕ ಮಾತನಾಡಿದರು. ಪಾರ್ವತಿ ನಿರೂಪಿಸಿದರು. ಶೀಲಬಸವರಾಜ್‌ ಸ್ವಾಗತಿಸಿದರು. ಆಶಾ ಹಾಲೇಶ್‌ ವಂದಿಸಿದರು.
ಓದಿ :
ತುಮಕೂರು: ಮಸ್ಕಲ್ ಗ್ರಾಮದಲ್ಲಿ ಜೆಲಿಟಿನ್ ಕಡ್ಡಿ ಸ್ಪೋಟ; ಮನೆ ಧ್ವಂಸ 