ಮೆಡಿಕಲ್‌ ಕಾಲೇಜಿಗೆ ಸರ್ಕಾರ ಅನುಮತಿ ನೀಡಲಿ

ಹೊನ್ನಾಳಿ: ಸಂತ ಸೇವಾಲಾಲರ ಜನ್ಮಸ್ಥಳ ಸೂರಗೊಂಡನಕೊಪ್ಪದಲ್ಲಿ ಮೆಡಿಕಲ್‌ ಕಾಲೇಜಿಗೆ ಸರ್ಕಾರ ಅನುಮತಿ ನೀಡಬೇಕು ಎಂದು ಒತ್ತಾಯಿಸಿ ಮಾಜಿ ಸಚಿವ ಶಿವಮೂರ್ತಿನಾಯ್ಕ ಅವರು ಸಮಾರಂಭದಲ್ಲಿ ಭಾಗವಹಿಸದೇ ವೇದಿಕೆ ಯಲ್ಲಿ ಮುಂಭಾಗದಲ್ಲಿ ಪ್ರತಿಭಟನೆ ನಡೆಸಿದರು.

ಸಂತ ಸೇವಾಲಾಲರ 282ನೇ ಜಯಂತಿ ಕಾರ್ಯಕ್ರಮಕ್ಕೆ ಮುಖ್ಯಮಂತ್ರಿ ಬಿ.ಎಸ್‌ .ಯಡಿಯೂರಪ್ಪ ಅವರು ಕಾರ್ಯಕ್ರಮ ಉದ್ಘಾಟಿಸಿ ನಂತರ ಮಾತನಾಡುತ್ತಿದ್ದ ಸಂದರ್ಭದಲ್ಲಿ ಪ್ರೇಕ್ಷಕರ ಗ್ಯಾಲರಿಯಲ್ಲಿ ಕುಳಿತ್ತಿದ್ದ ಮಾಯಕೊಂಡ ಮಾಜಿ ಸಚಿವ ಶಿವಮೂರ್ತಿನಾಯ್ಕ ಅವರು “ಮೆಡಿಕಲ್‌
ಕಾಲೇಜು ಅನುಮತಿ ನೀಡಿ’ ಎಂದು ಕೂಗುತ್ತಾ ಪ್ರತಿಭಟನೆ ಮೂಲಕ ಒತ್ತಾಯಿಸಿದರು. ಪೊಲಿಸರು ತಕ್ಷಣ ಸ್ಥಳಕ್ಕೆ ಆಗಮಿಸಿ ಅವರನ್ನು ಬೇರೆಡೆಗೆ ಕಳುಹಿಸಿದರು. ಮುಖ್ಯಮಂತ್ರಿಗಳ ಭಾಷಣ ಮುಗಿದ ಬಳಿಕ ಮತ್ತೆ ಅದೇ ಸ್ಥಳಕ್ಕೆ ಬಂದು ಕುಳಿತರು. ನಂತರ ಸಮಾರೋಪ ಕಾರ್ಯಕ್ರಮಕ್ಕೆ ಆಗಮಿಸಿದ್ದ ವಿಪಕ್ಷ ನಾಯಕ ಸಿದ್ದರಾಮಯ್ಯ ಬಂದಾಗಲೂ ಪ್ರೇಕ್ಷಕರ ಗ್ಯಾಲಿರಿಯಲ್ಲಿಯೇ ಕುಳಿತ್ತಿದ್ದರು.
ಆಗ ಸಿದ್ದರಾಮಯ್ಯನವರು ಶಿವಮೂರ್ತಿ ನಾಯ್ಕ ಅವರತ್ತ ನೋಡಿ “ಬಾರೋ ಅಲ್ಲಿ ಏಕೆ ಕುಳಿತ್ತಿದ್ದಿಯಾ’ ಎಂದು ವೇದಿಕೆಗೆ ಕರೆದು ಕೂರಿಸಿದರು. ನಂತರ ಹಳೆ ನೆನಪಿಗೆ ಜಾರಿದ ಸಿದ್ದರಾಮಯ್ಯ ಅವರು, “ನಾನು ಶಿವಮೂರ್ತಿ ನಾಯ್ಕ ಸ್ನೇಹಿತರು. ಇವನನ್ನು ಕುಸ್ತಿಯಲ್ಲಿ ಸೋಲಿಸಿದ್ದೆ’ ಎಂದು ವಿವರಿಸಿದರು.

ಓದಿ :  ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಈಗ ಕೃಷಿ ಇಲಾಖೆಯ ರಾಯಭಾರಿ