Daily Horoscope: ಬೆಳಕಿನ ಹಬ್ಬದ ದಿನದ ರಾಶಿ ಫಲ ಹೇಗಿದೆ?

31-10-2024

ಮೇಷ: ಬೆಳಕಿನ ಹಬ್ಬದ ಶುಭದಿನ. ಒಂದೇ ಲಕ್ಷ್ಯವನ್ನು ಸಾಧಿಸುವ ಪ್ರಯತ್ನದಲ್ಲಿ ಜಯ. ಲೇವಾದೇವಿ ವ್ಯವಹಾರದಿಂದ ದೂರವಿರಿ. ಎಲ್ಲರಿಗೂ ಆರೋಗ್ಯ ಮತ್ತು ಆನಂದದ ಅನುಭವ. ದೂರದ ಬಂಧುಗಳಿಂದ ಶುಭ ಸಮಾಚಾರ.

ವೃಷಭ:  ಜ್ಞಾನದ ಬೆಳಕಿನಲ್ಲಿ ಮುಂದುವರಿಯಿರಿ. ಉದ್ಯೋಗ ಸ್ಥಾನದಲ್ಲಿ ಗೌರವದ ಸ್ಥಾನ. ಉದ್ಯಮದಲ್ಲಿ ಕಡಿಮೆಯಾದ ಪೈಪೋಟಿ. ಒಡೆಯರ ಸದ್ಭಾವನೆಯಿಂದ ನೌಕರರಿಗೆ ಹರ್ಷ. ಮನೆಯಲ್ಲಿ ಶಾಂತಿ, ಸಂಭ್ರಮದ ವಾತಾವರಣ.

ಮಿಥುನ: ಸಂಬಂಧಗಳ ನಡುವೆ ಸಮತೋಲನ ಪಾಲನೆ. ಉದ್ಯೋಗ ಸ್ಥಾನದಲ್ಲಿ ಅನುಕೂಲ. ಆರ್ಥಿಕ ವ್ಯವಹಾರ ಸುಧಾರಣೆ. ಪಾಲುದಾರಿಕೆ ಉದ್ಯಮ ಅನುಕೂಲಕರ. ಉದ್ಯಮ ವ್ಯವಹಾರದ ಸಂಬಂಧ ಸಣ್ಣ ಪ್ರವಾಸ.

ಕರ್ಕಾಟಕ:  ಹರ್ಷದ ಹೊನಲಿನಲ್ಲಿ ದೀಪಾವಳಿ ಆಚರಣೆ. ಶ್ರದ್ಧೆ, ನಿಷ್ಠೆಗೆ ಮನ್ನಣೆ. ಹೊಸ ಉದ್ಯಮ ಆರಂಭಕ್ಕೆ ಚಿಂತನೆ. ಸಂಸಾರದಲ್ಲಿ ಸಾಮರಸ್ಯ. ದೇವತಾ ಕಾರ್ಯದಲ್ಲಿ ಭಾಗಿ. ಎಲ್ಲರಿಗೂ ಉತ್ತಮ ಆರೋಗ್ಯ.

ಸಿಂಹ: ಆಶ್ರಿತರಿಗೆ ಸಂತೋಷ ನೀಡುವ ಕ್ರಮ. ಉದ್ಯೋಗದಲ್ಲಿ ಹೊಸ ಜವಾಬ್ದಾರಿ. ಸ್ವಂತ ಉದ್ಯಮದ ನೌಕರ ವೃಂದಕ್ಕೆ ಸಂತೃಪ್ತಿ. ಹೊಸ ವಿದ್ಯೆಯನ್ನು ಕಲಿಯುವ ಆಸಕ್ತಿ. ಕುಟುಂಬದಲ್ಲಿ ಸಂಭ್ರಮದ ವಾತಾವರಣ.

ಕನ್ಯಾ: ಸಂಭ್ರಮ ಆಚರಣೆಯ ನಡುವೆ ಆನಂದವನ್ನು ಹಂಚುವ ಕ್ರಮಗಳು. ಉದ್ಯೋಗ ಸ್ಥಳದಲ್ಲಿ ಸ್ಥಿರ ಪರಿಸ್ಥಿತಿ. ಉದ್ಯಮ ಅಭಿವೃದ್ಧಿಗೆ ವಿತ್ತ ಸಂಸ್ಥೆಗಳ ನೆರವು. ಸಂಸಾರದ ನೆಮ್ಮದಿ ಕೆಡಿಸುವ ಹಿತಶತ್ರುಗಳ ಪ್ರಯತ್ನಕ್ಕೆ ಸೋಲು.

ತುಲಾ: ಸಂಭ್ರಮ ಆಚರಣೆಯಲ್ಲಿ ನೆಂಟರ ಸಹಭಾಗಿತ್ವ. ಹೊಸ ಸಹೋದ್ಯೋಗಿಗಳ ಸೇರ್ಪಡೆ.ಸರಕಾರಿ ನೌಕರರಿಗೆ ಅಧಿಕ ಕೆಲಸ. ವಸ್ತ್ರ, ಒಡವೆ ಖರೀದಿ. ಇಷ್ಟಾರ್ಥ ಸಿದ್ಧಿಗಾಗಿ ದೇವತಾರ್ಚನೆ. ಮನೆಯಲ್ಲಿ ಎಲ್ಲರ ಆರೋಗ್ಯ ವೃದ್ಧಿ.

ವೃಶ್ಚಿಕ: ಅರಸದೆ ಬಂದ ಸುಖದಿಂದ ಆನಂದ. ದೇವತಾರ್ಚನೆಯಿಂದ ಕುಟುಂಬಕ್ಕೆ ಕ್ಷೇಮ. ವಸ್ತ್ರ, ಸಿದ್ಧ ಉಡುಪು, ವ್ಯಾಪಾರಸ್ಥರಿಗೆ ಲಾಭ. ಕೃಷಿ ಕ್ಷೇತ್ರದಲ್ಲಿ ಹೊಸಬರಿಗೆ ಮಾರ್ಗದರ್ಶನ. ಹಬ್ಬದಿಂದಾಗಿ ಮಕ್ಕಳಿಗೆ ಸಂತೋಷ.

ಧನು: ಬಂಧು ಮಿತ್ರರೊಂದಿಗೆ ಹಬ್ಬ ಆಚರಣೆ. ಉದ್ಯೋಗಿಗಳಿಗೆ ಸಮಾಧಾನ.  ತರಕಾರಿ, ಹಣ್ಣು ವ್ಯಾಪಾರಿಗಳಿಗೆ ಲಾಭ ಮಧ್ಯಮ. ಗೃಹಿಣಿಯರ ಉದ್ಯಮಕ್ಕೆ ಅಭೂತಪೂರ್ವ ಕೀರ್ತಿ.ವಿವಾಹಾಸಕ್ತರಿಗೆ ಶುಭವಾರ್ತೆ.

ಮಕರ: ಹಬ್ಬದ ಸಂಭ್ರಮದ ನಡುವೆ ಕರ್ತವ್ಯ ಪಾಲನೆ. ಸ್ವಂತ ಉದ್ಯಮ ವಿಸ್ತರಣೆಗೆ ಕಾನೂನಿನ ತೊಡಕು ನಿವಾರಣೆ. ದೀರ್ಘಾವಧಿ ಉಳಿತಾಯ ಯೋಜನೆಯಲ್ಲಿ ಹಣ ಹೂಡಿಕೆ. ಲೇವಾದೇವಿ ವ್ಯವಹಾರದಲ್ಲಿ ನಷ್ಟ.

ಕುಂಭ: ಹಬ್ಬದ ದಿನವೇ ಪದೋನ್ನತಿಯ ಶುಭ ಸೂಚನೆ. ಸ್ವಂತ ಉದ್ಯಮದ ಬೆಳವಣಿಗೆ ಸುಗಮ. ಉತ್ಪನ್ನಗಳಿಗೆ ಹೊಸ ರೂಪ ಕೊಡಲು ಚಿಂತನೆ.  ಸ್ಟೇಶನರಿ ರಖಂ ವ್ಯವಹಾರಸ್ಥರಿಗೆ ಆದಾಯ ವೃದ್ಧಿ.  ಮಕ್ಕಳಿಗೆ ಅನೇಕ ವಿಷಯಗಳ ಕಲಿಕೆಯಲ್ಲಿ ಆಸಕ್ತಿ. ದ್ರವ ಪದಾರ್ಥ ವ್ಯಾಪಾರಿಗಳಿಗೆ ಲಾಭ.

ಮೀನ: ಹಬ್ಬದ ಶುಭದಿನ ಗುರುದರ್ಶನದ ಭಾಗ್ಯ. ಪಾಲುದಾರಿಕೆ ವ್ಯವಹಾರಕ್ಕೆ ಹೊಸಬರ ಪ್ರವೇಶ. ಆಸ್ತಿ ವಿಸ್ತರಣೆ ಪ್ರಯತ್ನದಲ್ಲಿ ಮುನ್ನಡೆ.  ಕಟ್ಟಡ ನಿರ್ಮಾಣ ವ್ಯವಹಾರಸ್ಥರಿಗೆ ಮಧ್ಯಮ ಲಾಭ. ತಾಯಿ ಅಥವಾ ಮಾತೃಸಮಾನರ ವಿಶೇಷ ಅನುಗ್ರಹ.