Advertisement

ಇದು ಆ ‘ಕಟ್ಟಿಂಗ್‌ ಶಾಪ್‌’ ಅಲ್ಲ!

03:01 PM May 06, 2022 | Team Udayavani |

“ಕಟ್ಟಿಂಗ್‌ ಶಾಪ್‌’ – ಹೀಗೊಂದು ಹೆಸರಿನಲ್ಲಿ ಹೊಸಬರ ಸಿನಿಮಾವೊಂದು ತೆರೆಗೆ ಬರುತ್ತಿದೆ. ಅಂದಹಾಗೆ, ಈ ಸಿನಿಮಾದ ಟೈಟಲ್‌ “ಕಟ್ಟಿಂಗ್‌ ಶಾಪ್‌’ ಅಂತಿದ್ದರೂ, ಇದು ಹೇರ್‌ ಕಟ್ಟಿಂಗ್‌ ಮಾಡುವ ಅಥವಾ ಸೆಲೂನ್‌ ಶಾಪ್‌ ಗಳ ಬಗ್ಗೆ ಮಾಡಿರುವ ಸಿನಿಮಾವಂತೂ ಖಂಡಿತಾ ಅಲ್ಲ. ಇದು ಸಿನಿಮಾ ಎಡಿಟರ್‌ (ಸಂಕಲನಕಾರ) ಒಬ್ಬನ ಲೈಫ್ ಸ್ಟೋರಿ ಕುರಿತಾದ ಸಿನಿಮಾ.

Advertisement

ಸಿನಿಮಾದಲ್ಲಿ ಹೀರೋ ಮುಚ್ಚಿ ಹೋಗಿದ್ದ ತನ್ನ ಮಾವನ ಹಳೇ ಸೆಲೂನ್‌ ಶಾಪ್‌ನಲ್ಲಿ ಸಿನಿಮಾ ಎಡಿಟಿಂಗ್‌ ಸೂಟ್‌ ಹಾಕಿಕೊಂಡು ಕೆಲಸ ಶುರು ಮಾಡುತ್ತಾನೆ. ಅಲ್ಲಿಂದ ಅವನ ಲೈಫ್ ಏನೇನು ಟರ್ನ್ ತೆಗೆದುಕೊಳ್ಳುತ್ತದೆ ಅನ್ನೋದೇ ಸಿನಿಮಾ. ಹಾಗಾಗಿ, ಸಬ್ಜೆಕ್ಟ್  ಗೆ ಹೊಂದಾಣಿಕೆಯಾಗುತ್ತದೆ ಎಂಬ ಕಾರಣಕ್ಕೆ ಸಿನಿಮಾಕ್ಕೆ ಇಂಥದ್ದೊಂದು ಟೈಟಲ್‌ ಇಟ್ಟಿದ್ದೇವೆ ಎಂಬುದು ಚಿತ್ರತಂಡದ ಮೊದಲ ಮಾತು.

ಸಿನಿಮಾ ಎಡಿಟರ್‌ಗಳ ಕುರಿತಾದ ಕಥೆ “ಕಟಿಂಗ್‌ ಶಾಪ್‌’ ಸಿನಿಮಾದಲ್ಲಿರುವುದರಿಂದ, ಈ ಸಿನಿಮಾದ ಮೊದಲ ಟ್ರೇಲರ್‌ ಅನ್ನು ಕನ್ನಡ ಚಿತ್ರರಂಗದ ಎಡಿಟರ್‌ ಗಳ ಕೈಯಿಂದಲೇ ಚಿತ್ರತಂಡ ಬಿಡುಗಡೆ ಮಾಡಿದೆ. ಕನ್ನಡ ಚಿತ್ರರಂಗದ ಸಂಕಲನಕಾರರಾದ ಬಿ. ಎಸ್‌ ಕೆಂಪರಾಜು, ಕ್ರೇಜಿಮೈಂಡ್ಸ್‌ ಶ್ರೀ, ಹರೀಶ್‌ ಕೊಮ್ಮೆ, ಸಾಗರ್‌ ಗಣೇಶ್‌ ಮೊದಲಾದವರು “ಕಟ್ಟಿಂಗ್‌ ಶಾಪ್‌’ ಟ್ರೇಲರ್‌ ಬಿಡುಗಡೆಗೊಳಿಸಿದರು.

ಇದನ್ನೂ ಓದಿ:ಸೌಂಡು ಮಾಡುತ್ತಿದೆ ‘ಬೈರಾಗಿ’ ಸಾಂಗ್‌

ಈ ಹಿಂದೆ “ಆಪರೇಶನ್‌ ಅಲಮೇಲಮ್ಮ’, “ಮಾಯಾಬಜಾರ್‌’, “ಅಳಿದು ಉಳಿದವರು’, “ರಾಂಚಿ’ ಮೊದಲಾದ ಸಿನಿಮಾಗಳಿಗೆ ಸ್ಕ್ರಿಪ್ಟ್ ರೈಟರ್‌ ಮತ್ತು ಗೀತ ಸಾಹಿತಿಯಾಗಿ ಕೆಲಸ ಮಾಡಿದ ಅನುಭವವಿರುವ ಪವನ್‌ ಭಟ್‌, “ಕಟ್ಟಿಂಗ್‌ ಶಾಪ್‌’ ಸಿನಿಮಾಕ್ಕೆ ಚಿತ್ರಕಥೆ, ಸಂಭಾಷಣೆ, ಸಾಹಿತ್ಯದ ಬರೆದು ಮೊದಲ ಬಾರಿಗೆ ನಿರ್ದೇಶನವನ್ನೂ ಮಾಡಿದ್ದಾರೆ.

Advertisement

ಯು-ಟ್ಯೂಬ್‌ ಚಾನೆಲ್‌ನಲ್ಲಿ ಒಂದಷ್ಟು ಕಿರುಚಿತ್ರಗಳ ಮೂಲಕ ಗುರುತಿಸಿಕೊಂಡಿರುವ, “ಆಪರೇಷನ್‌ ಅಲಮೇಲಮ್ಮ’, “ಮಯಾ ಬಜಾರ್‌’ ಸಿನಿಮಾಗಳಲ್ಲಿ ಸಣ್ಣ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದ ಪ್ರವೀಣ್‌ ಈ ಸಿನಿಮಾಕ್ಕೆ ಕಥೆ ಬರೆದು, ಸಂಗೀತ ನೀಡಿ ಜೊತೆಗೆ ತೆರೆಮೇಲೆ ನಾಯಕ ನಟನಾಗಿ ಅಭಿನಯಿಸಿದ್ದಾರೆ. ಅರ್ಚನಾ ಕೊಟ್ಟಿಗೆ, ದೀಪಕ್‌ ಭಟ್‌, ಅಭಿಷೇಕ್‌ ಸಾವಳಗಿ, ನವೀನ್‌ ಕೃಷ್ಣ, ಭಗವಾನ್‌, ಓಂ ಪ್ರಕಾಶ್‌ ರಾವ್‌, ವತ್ಸಲಾ ಮೋಹನ್‌, ಕೆ. ಉಮೇಶ್‌ ಮೊದಲಾದವರು ಚಿತ್ರದ ಇತರ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ”

ಯಂಗ್‌ ಥಿಂಕರ್ಸ್‌ ಫಿಲಂಸ್‌’ ಬ್ಯಾನರ್‌ನಲ್ಲಿ ಕೆ. ಉಮೇಶ್‌ ಮತ್ತು ಗಣೇಶ್‌ ಐತಾಳ್‌ ಜಂಟಿಯಾಗಿ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಚಿತ್ರಕ್ಕೆ ಸ್ಕಂದ ರತ್ನಂ ಛಾಯಾಗ್ರಹಣವಿದೆ. ಸದ್ಯ “ಕಟ್ಟಿಂಗ್‌ ಶಾಪ್‌’ ಟ್ರೇಲರ್‌ ಬಿಡುಗಡೆ ಮಾಡಿರುವ ಚಿತ್ರತಂಡ, ಇದೇ ಮೇ. 20ರಂದು ಸಿನಿಮಾವನ್ನು ತೆರೆಗೆ ತರುವ ಯೋಚನೆಯಲ್ಲಿದೆ

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next