Cuba: ಪೆಟ್ರೋಲ್‌ ಬೆಲೆ 500% ಹೆಚ್ಚಳ

ಹವಾನಾ: ಹಣದುಬ್ಬರ ಮತ್ತು ಬೆಲೆ ಏರಿಕೆಯಿಂದ ತತ್ತರಿಸಿರುವ ತನ್ನ ನಾಗರಿಕರಿಗೆ ಕ್ಯೂಬಾ ಮತ್ತೂಂದು ಬರೆ ಹಾಕಿದೆ. ಇಂಧನ ಬೆಲೆಯನ್ನು ಬರೋಬ್ಬರಿ ಶೇ.500ರಷ್ಟು ಏರಿಕೆ ಮಾಡಿದೆ. ಕಮ್ಯೂನಿಸ್ಟ್‌ ದ್ವೀಪ ರಾಷ್ಟ್ರವಾಗಿರುವ ಕ್ಯೂಬಾ, ತನ್ನ ನೂತನ ಬಜೆಟ್‌ನಲ್ಲಿ ದೇಶದ ಆರ್ಥಿಕ ಸ್ಥಿತಿಯನ್ನು ಮೇಲೆತ್ತಲು ಸರಣಿ ಕ್ರಮಗಳನ್ನು ಕೈಗೊಂಡಿದೆ.

ಇದರ ಭಾಗವಾಗಿ ಪೆಟ್ರೋಲ್‌ ಉತ್ಪನ್ನಗಳ ಬೆಲೆಯನ್ನು ಶೇ.500ರಷ್ಟು ಏರಿಕೆ ಮಾಡಿದೆ. ಈ ದರಗಳು ಫೆ. 1ರಿಂದ ಅನ್ವಯವಾಗಲಿದೆ. ಪ್ರಸ್ತುತ ಕ್ಯೂಬಾದಲ್ಲಿ ಒಂದು ಲೀಟರ್‌ ಪೆಟ್ರೊಲ್‌ ಬೆಲೆ 86 ರೂ.(25 ಪೆಸಾಸ್‌) ಇದೆ. ಮುಂದಿನ ತಿಂಗಳಿನಿಂದ ಲೀಟರ್‌ ಪೆಟ್ರೊಲ್‌ ಬೆಲೆ‌ 456 ರೂ.(132 ಪೆಸಾಸ್‌) ಆಗಲಿದೆ.