CSK; ಬಸ್‌ ಕಂಡಕ್ಟರ್‌ಗಳಿಗೆ ಚೆನ್ನೈ ಕಿಂಗ್ಸ್‌ನಿಂದ 8 ಸಾವಿರ ಅಗತ್ಯ ಗಿಫ್ಟ್ !

ಚೆನ್ನೈ: ಚೆನ್ನೈ ಸೂಪರ್‌ ಕಿಂಗ್ಸ್‌ ಮತ್ತು ವಿಸಿಲ್‌ಗೆ ಅವಿನಾಭಾವ ಸಂಬಂಧ. ಹೀಗಾಗಿ ವಿಸಿಲ್‌ನ ಮಹತ್ವವನ್ನು ತಿಳಿಸುವ ಸಲುವಾಗಿಯೇ ಚೆನ್ನೈ ತಂಡ, ಇಲ್ಲಿನ ಮೆಟ್ರೋಪಾಲಿಟನ್‌ ಟ್ರಾನ್ಸ್‌ಪೋರ್ಟ್ ಕಾರ್ಪೋರೇಶನ್‌ ಲಿಮಿಟೆಡ್‌ (ಎಂಟಿಸಿ) ಬಸ್‌ ಕಂಡಕ್ಟರ್‌ಗಳಿಗೆ ಗುಣಮಟ್ಟದ 8 ಸಾವಿರ ಲೋಹದ ವಿಸಿಲ್‌ಗ‌ಳನ್ನು ಉಡುಗೊರೆಯಾಗಿ ನೀಡಿದೆ.

ಸಿಎಸ್‌ಕೆಯ ಉಡುಗೊರೆಯಿಂದಾಗಿ, ದೀರ್ಘ‌ಕಾಲದಿಂದ ಪ್ಲಾಸ್ಟಿಕ್‌ ವಿಸಿಲ್‌ ಬಳಸುತ್ತಿರುವ ಬಸ್‌ ಕಂಡಕ್ಟರ್‌ಗಳು, ಈಗ ಲೋಹದ ವಿಸಿಲ್‌ಗೆ ಬದಲಾಗುವಂತಾಗಿದೆ.

ಸಿಎಸ್‌ಕೆ ಸಿಇಒ ಕಾಶಿ ವಿಶ್ವನಾಥನ್‌ ಈ ಬಗ್ಗೆ ಮಾತನಾಡಿ, ಮೆಟಲ್‌ ವಿಸಿಲ್‌ಗ‌ಳು ದೀರ್ಘ‌ ಬಾಳಿಕೆಯದ್ದು ಆಗಿರುವುದರಿಂದ, ಪ್ಲಾಸ್ಟಿಕ್‌ ವಿಸಿಲ್‌ಗ‌ಳ ಬಳಕೆ ಕಡಿಮೆಗೊಳಿಸುವ ನೆಲೆಯಲ್ಲಿ ಇದೊಂದು ಸಣ್ಣ ಹೆಜ್ಜೆಯಾಗಿದೆ ಎಂದಿದ್ದಾರೆ.