Advertisement

ಅಲ್‌ ನಾಸ್ರ್ ಕ್ಲಬ್‌ ಗೆ ರೊನಾಲ್ಡೊ: 2 ವರ್ಷಗಳ ಆಟಕ್ಕೆ 1,700 ಕೋ. ರೂ. ಸಂಭಾವನೆ!

10:35 PM Dec 31, 2022 | Team Udayavani |

ರಿಯಾದ್‌: ಪೋರ್ಚುಗಲ್‌ನ ಸೂಪರ್‌ ಸ್ಟಾರ್‌ ಕ್ರಿಸ್ಟಿಯಾನೊ ರೊನಾಲ್ಡೊ ಇನ್ನು ಸೌದಿ ಅರೇಬಿಯದ ಅಲ್‌ ನಾಸ್ರ್ ಫ‌ುಟ್‌ಬಾಲ್‌ ಕ್ಲಬ್‌ ಪರ ಆಡಲಿಳಿಯಲಿದ್ದಾರೆ. ಮುಂದಿನ 2 ವರ್ಷಗಳ ಒಪ್ಪಂದಕ್ಕೆ ಅವರು ಸಹಿ ಹಾಕಿದ್ದಾರೆ. ಇದಕ್ಕೆ ಪಡೆಯುವ ಸಂಭಾವನೆ ಅಷ್ಟಿಷ್ಟಲ್ಲ, ಬರೋಬ್ಬರಿ 1,700 ಕೋಟಿ ರೂ. (200 ಮಿಲಿಯನ್‌ ಯೂರೋಸ್‌).

Advertisement

ವಿಶ್ವಕಪ್‌ ಫ‌ುಟ್‌ಬಾಲ್‌ ಪಂದ್ಯಾವಳಿಗೂ ಮುನ್ನ ಮ್ಯಾಂಚೆಸ್ಟರ್‌ ಯುನೈಟೆಡ್‌ ಜತೆಗಿನ ರೊನಾಲ್ಡೊ ಸಂಬಂಧ ಅನಪೇಕ್ಷಿತ ರೀತಿಯಲ್ಲಿ ಕೊನೆಗೊಂಡಿತ್ತು. ಇದೀಗ ಅಲ್‌ ನಾಸ್ರ್ ಕ್ಲಬ್‌ ಸೇರಿಕೊಂಡು ಮ್ಯಾಂಚೆಸ್ಟರ್‌ ಯುನೈಟೆಡ್‌ಗೆ ಸಡ್ಡು ಹೊಡೆದಿದ್ದಾರೆ. ದೊಡ್ಡ ಮೊತ್ತದ ಸಂಭಾವನೆ ಪಡೆದು ತನ್ನ ಮೌಲ್ಯದಲ್ಲಿ ಯಾವ ಕುಸಿತವೂ ಸಂಭವಿಸಿಲ್ಲ ಎಂದು ಮಾಜಿ ಕ್ಲಬ್‌ ಮುಂದೆ ಸಾರುವಲ್ಲಿಯೂ ರೊನಾಲ್ಡೊ ಯಶಸ್ವಿಯಾಗಿದ್ದಾರೆ.

ಶ್ರೀಮಂತ ಫ‌ುಟ್‌ಬಾಲ್‌ ಕ್ಲಬ್‌
67 ವರ್ಷಗಳ ಇತಿಹಾಸ ಹೊಂದಿರುವ ಅಲ್‌ ನಾಸ್ರ್ ಸೌದಿ ಅರೇಬಿಯದ ಅತ್ಯಂತ ಶ್ರೀಮಂತ ಫ‌ುಟ್‌ಬಾಲ್‌ ಕ್ಲಬ್‌. 9 ಸಲ “ಚಾಂಪಿಯನ್ಸ್‌ ಲೀಗ್‌’ ಪ್ರಶಸ್ತಿ ಜಯಿಸಿದೆ. 6 ಸಲ “ಕಿಂಗ್ಸ್‌ ಕಪ್‌’, 3 ಸಲ “ಕ್ರೌನ್‌ ಪ್ರಿನ್ಸೆಸ್‌ ಕಪ್‌’, 3 ಸಲ “ಫೆಡರೇಶನ್‌ ಕಪ್‌’, 2 ಸಲ “ಸೌದಿ ಸೂಪರ್‌ ಕಪ್‌’ ಚಾಂಪಿಯನ್‌ ಆಗಿ ಮೂಡಿಬಂದ ಹೆಗ್ಗಳಿಕೆ ಈ ಕ್ಲಬ್‌ನದ್ದು. ಹಾಗೆಯೇ ಅಂತಾರಾಷ್ಟ್ರೀಯ ಮಟ್ಟದಲ್ಲಿ 2 ಸಲ ಜಿಸಿಸಿ ಚಾಂಪಿಯನ್ಸ್‌ ಲೀಗ್‌, 1998ರಲ್ಲಿ “ಏಷ್ಯನ್‌ ಕಪ್‌ ವಿನ್ನರ್ ಕಪ್‌’ ಮತ್ತು “ಏಷ್ಯನ್‌ ಸೂಪರ್‌ ಕಪ್‌’ ಗೆದ್ದ ಹಿರಿಮೆಯನ್ನೂ ಹೊಂದಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next