ಬಾಡಿಗೆ ತಾಯಿಯಿಂದ ಅವಳಿ ಮಕ್ಕಳನ್ನು ಪಡೆದ ರೊನಾಲ್ಡೊ

ಲಿಸ್ಬನ್‌: ವಿಶ್ವ ಶ್ರೇಷ್ಠ ಫ‌ುಟ್ಬಾಲಿಗ ಪೋರ್ಚುಗಲ್‌ನ ಕ್ರಿಸ್ಟಿಯಾನೊ ರೊನಾಲ್ಡೊ ಬಾಡಿಗೆ ತಾಯಿ ಮೂಲಕ ಅವಳಿ ಗಂಡು ಮಕ್ಕಳಿಗೆ ತಂದೆಯಾಗಿದ್ದಾರೆ. ಈ ವಿಷಯವನ್ನು ಆರಂಭದಲ್ಲಿ ಖಚಿತಪಡಿಸಿರಲಿಲ್ಲ. ಆದರೆ ಅಂತಿಮವಾಗಿ ರೊನಾಲ್ಡೊ ಅವರೇ ಫೇಸ್‌ಬುಕ್‌ನಲ್ಲಿ ಪ್ರಕಟಿಸಿದ್ದಾರೆ.

ಸದ್ಯ ಕಾನೆಡರೇಷನ್‌ ಕಪ್‌ನಲ್ಲಿ ರೊನಾಲ್ಡೊ ಆಡುತ್ತಿದ್ದು ರಜೆಯ ಮೇಲೆ ಮನೆಗೆ ಬಂದಿದ್ದಾರೆ. ಪೋರ್ಚುಗಲ್‌ನ ಮಾಧ್ಯಮಗಳು ಈ ಕುರಿತಂತೆ ವರದಿ ಮಾಡಿದ್ದು ಅಮೆರಿಕ ಮೂಲದ ಯುವತಿಯೊಬ್ಬಳಿಂದ ರೊನಾಲ್ಡೊ ಅವಳಿ ಮಕ್ಕಳನ್ನು ಹೊಂದಿದ್ದಾರೆ ಎಂದು ಪ್ರಕಟಪಡಿಸಿದೆ.  ಈಗಾಗಲೇ ರೊನಾಲ್ಡೊ-ಗೆಳತಿ ರಾಡ್ರಿಗ್ಸ್‌ಗೆ 7 ವರ್ಷದ ರೊನಾಲ್ಡೊ ಜೂನಿಯರ್‌ ಹೆಸರಿನ ಗಂಡು ಮಗುವಿದೆ.