ಪರಿಸ್ಥಿತಿ ಹದಗೆಡುತ್ತಿದೆ !: ಕೋವಿಡ್-19 ಕುರಿತು ಆತಂಕ ವ್ಯಕ್ತಪಡಿಸಿದ WHO ಮುಖ್ಯಸ್ಥ

ವಾಷಿಂಗ್ಟನ್: ಯುರೋಪಿನಲ್ಲಿ  ಪರಿಸ್ಥಿತಿ ಸುಧಾರಿಸುತ್ತಿದ್ದರೂ ಸಹ, ಕೋವಿಡ್-19  ಸಾಂಕ್ರಾಮಿಕ ರೋಗದಿಂದ ಜಾಗತಿಕವಾಗಿ ಪರಿಸ್ಥಿತಿ ಹದಗೆಡುತ್ತಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಮುಖ್ಯಸ್ಥರು ಆತಂಕ ವ್ಯಕ್ತಪಡಿಸಿದ್ದಾರೆ.

ಸೋಮವಾರ ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದ, ವಿಶ್ವಸಂಸ್ಥೆ ಮುಖ್ಯಸ್ಥ ಟೆಡ್ರೊಸ್ ಅಧಾನೊಮ್, ಯುಎನ್ ಆರೋಗ್ಯ ಸಂಸ್ಥೆ ಭಾನುವಾರ ವರದಿ ಮಾಡಿದ ಶೇ 75% ಪ್ರಕರಣಗಳು ಅಮೆರಿಕ ಮತ್ತು ದಕ್ಷಿಣ ಏಷ್ಯಾದ 10 ದೇಶಗಳಿಂದ ಬಂದವು. ಕಳೆದ 10 ದಿನಗಳಲ್ಲಿ 10,00,00ಕ್ಕೂ ಹೆಚ್ಚು ಕೋವಿಡ್ ಪ್ರಕರಣಗಳು ವರದಿಯಾಗಿವೆ. ಮಾತ್ರವಲ್ಲದೆ ಭಾನುವಾರ ಒಂದೇ ದಿನ  1,36,000 ಸೋಂಕಿತ ಪ್ರಕರಣಗಳು  ಕಂಡುಬಂದಿದ್ದು ಇವರೆಗಿನ  ಅತಿದೊಡ್ಡ ಸಂಖ್ಯೆಯಾಗಿದೆ ಎಂದು ತಿಳಿಸಿದರು.

ಆಫ್ರಿಕಾ ಖಂಡದ  ಹೆಚ್ಚಿನ ದೇಶಗಳಲ್ಲಿ ಸೋಂಕಿತರ ಸಂಖ್ಯೆ ದ್ವಿಗುಣಗೊಳ್ಳುತ್ತಿದೆ.  ಜಾಗತಿಕವಾಗಿ ಹಲವಾರು ರಾಷ್ಟ್ರಗಳು ಕೋವಿಡ್ ನಿಯಂತ್ರಿಸುವಲ್ಲಿ ಸಕರಾತ್ಮಕ ಕ್ರಮ ಕೈಗೊಳ್ಳುತ್ತಿದೆ. ಇದನ್ನು ವಿಶ್ವಸಂಸ್ಥೆ ಅಭಿನಂದಿಸುತ್ತದೆ ಎಂದು ಟೆಡ್ರೋಸ್ ತಿಳಿಸಿದರು.

ಕೋವಿಡ್ 19 ಮಹಾಮಾರಿಗೆ ಜಾಗತಿಕವಾಗಿ 4.3 ಲಕ್ಷ ಜನರು ಬಲಿಯಾಗಿದ್ದು, 7 ಮಿಲಿಯನ್ ಗಿಂತಲೂ ಹೆಚ್ಚು ಜನರು ಸೋಂಕಿಗೆ ತುತ್ತಾಗಿದ್ದಾರೆ.  ಕಳೆದ ಡಿಸೆಂಬರ್ ನಲ್ಲಿ ಚೀನಾದಲ್ಲಿ ಕಂಡುಬಂದಿದ್ದ ಈ  ವೈರಸ್ ಗೆ ಇದೀಗ ಆರು ತಿಂಗಳು ಭರ್ತಿಯಾಗಿದೆ.