ಮುಂಬೈನ ಧಾರಾವಿ ಸ್ಲಮ್ ದಿಂದ ಬೆಳಗಾವಿಗೆ ಬಂದಿದ್ದ ಗರ್ಭಿಣಿಗೆ ಕೋವಿಡ್ ಸೋಂಕು

ಬೆಳಗಾವಿ: ಮುಂಬೈನಿಂದ ಎಂಟು ದಿನಗಳ ಹಿಂದೆ ಬಂದಿದ್ದ ಗರ್ಭಿಣಿಗೆ ಗುರುವಾರ ಮಹಾಮಾರಿ ಕೋವಿಡ್-19 ಸೋಂಕು ತಗುಲಿರುವುದು ದೃಢಪಟ್ಟಿದ್ದು, ಗರ್ಭಿಣಿಯ ಸಂಪರ್ಕದಲ್ಲಿ ಇದ್ದವರಲ್ಲಿ ಆತಂಕ ಹೆಚ್ಚಾಗಿದೆ.

ಮುಂಬೈನಿಂದ ಆಗಮಿಸಿದ್ದ ಗರ್ಭಿಣಿಯನ್ನು ಹೋಮ್ ಕ್ವಾರಂಟೈನ್ ನಲ್ಲಿ‌ ಇಡಲಾಗಿತ್ತು. ಇಲ್ಲಿಯ ಸದಾಶಿವ ನಗರದ ಮನೆಯಲ್ಲಿ ಗರ್ಭಿಣಿಯನ್ನು ಕ್ವಾರಂಟೈನ್ ಮಾಡಲಾಗಿತ್ತು. ಗರ್ಭಿಣಿಯನ್ನು ಆರೈಕೆ‌ ಮಾಡಿದವರು ಹಾಗೂ ಮನೆಯವರ ಕ್ವಾರಂಟೈನ್ ಗೆ ಸಿದ್ಧತೆ ಮಾಡಲಾಗುತ್ತಿದೆ.

27 ವರ್ಷದ ಮಹಿಳೆಗೆ ಈ ಸೋಂಕು ದೃಢಪಟ್ಟಿದೆ.  ಪಿ-974 ಸೋಂಕಿತ ಸಂಖ್ಯೆ ಇದಾಗಿದ್ದು, ಮಹಿಳೆಯನ್ನು ಹೊಟೇಲ್ ನಲ್ಲಿ‌ ಕ್ವಾರಂಟೈನ್ ಮಾಡದೇ ಮನೆಯಲ್ಲಿಯೇ ಇಡಲಾಗಿತ್ತು.

ಮೇ 11ರಂದು ಗಂಟಲು ದ್ರವ ತಪಾಸಣೆ ಗೆ ಕಳುಹಿಸಲಾಗಿತ್ತು. ಜಿಲ್ಲಾ ಆರೋಗ್ಯ ಇಲಾಖೆ ಅಧಿಕಾರಿಗಳು ಮಹುಳೆಯ ಸಂಪರ್ಕದಲ್ಲಿ‌ ಇದ್ದವರ ಬಗ್ಗೆ ಮಾಹಿತಿ ಪಡೆದುಕೊಳ್ಳುತ್ತಿದ್ದಾರೆ.