ಏಳು ಹೊಸ ಪ್ರಕರಣಗಳು: ಕಲಬುರಗಿಯ ನಾಲ್ಕು ತಿಂಗಳ ಮಗುವಿಗೆ ಸೋಂಕು ಪತ್ತೆ

ಬೆಂಗಳೂರು: ರಾಜ್ಯದಲ್ಲಿ ಇಂದು ಹೊಸ ಏಳು ಕೋವಿಡ್-19 ಸೊಂಕು ಪ್ರಕರಣಗಳು ಪತ್ತೆಯಾಗಿದೆ. ಇದರೊಂದಿಗೆ ರಾಜ್ಯದ ಸೋಂಕಿತರ ಸಂಖ್ಯೆ 425ಕ್ಕೆ ಏರಿಕೆಯಾಗಿದೆ.

ರಾಜ್ಯದ ಏಳು ಪ್ರಕರಣಗಳ ಪೈಕಿ ಐದು ಪ್ರಕರಣಗಳು ಕಲಬುರಗಿಯಿಂದಲೇ ದೃಢವಾಗಿದೆ. ಅದರಲ್ಲೂ ನಾಲ್ಕು ತಿಂಗಳ ಮಗುವಿಗೆ ಸೋಂಕು ತಗುಲಿದ್ದು ಆತಂಕ ಮೂಡಿಸಿದೆ. ಸೋಂಕಿತ ಸಂಖ್ಯೆ 329ರ ಸಂಪರ್ಕದಿಂದ ಈ ಮಗುವಿಗೆ ಸೋಂಕು ತಾಗಿದ್ದು, ಮಗುವಿನ ತಾಯಿ (26 ವರ್ಷ) ಗೂ ಸೋಂಕು ದೃಢಪಟ್ಟಿದೆ.

ಇದೇ ಸೋಂಕಿತ ಸಂಖ್ಯೆ 329ರ ಸಂಪರ್ಕದಿಂದ 35 ವರ್ಷದ ಮಹಿಳೆಗೂ ಸೋಂಕು ದೃಢವಾಗಿದೆ.

ಕಲಬುರಗಿಯಲ್ಲಿ ಮತ್ತೆರಡು ಸೋಂಕು ಪ್ರಕರಣ ದೃಢವಾಗಿದ್ದು ಸೋಂಕಿತ ಸಂಖ್ಯೆ 222ರ ಸಂಪರ್ಕದಿಂದ 56 ವರ್ಷದ ಮಹಿಳೆಗೆ ಮತ್ತು ಉಸಿರಾಟದ ಸಮಸ್ಯೆ ಇರುವ 57 ವರ್ಷದ ಪುರುಷನಿಗೆ ಸೋಮಕು ದೃಢವಾಗಿದೆ.

ಎರಡು ಪ್ರಕರಣಗಳ ಬೆಂಗಳೂರು ನಗರದ ಬಿಬಿಎಂಪಿ ವ್ಯಾಪ್ತಿಯಲ್ಲಿ ದೃಢವಾಗಿದೆ.54 ವರ್ಷದ ಪುರುಷ ಮತ್ತು 28 ವರ್ಷದ ಮಹಿಳೆಗೆ ಸೋಂಕು ಇರುವುದು ಖಚಿತವಾಗಿದೆ.

ರಾಜ್ಯದಲ್ಲಿ ಇಂದು ಏಳು ಹೊಸ ಸೋಂಕು ಪ್ರಕರಣಗಳು ದೃಢವಾಗಿದೆ. ಇದರಿಂದ ಸೋಂಕಿತರ ಸಂಖ್ಯೆ 425ಕ್ಕೆ ಏರಿಕೆಯಾಗಿದೆ. ಸೋಂಕಿನ ಕಾರಣದಿಂದ 17 ಪ್ರಕರಣಗಳು ಮರಣ ಹೊಂದಿದ್ದು, 129 ಪ್ರಕರಣಗಳು ಗುಣಮುಖವಾಗಿದೆ.