Advertisement
ಉಭಯ ಜಿಲ್ಲೆಗಳಲ್ಲಿ ಕಳೆದ ಒಂದು ತಿಂಗಳಿನಲ್ಲಿ 259 ಮಂದಿ ಕೋವಿಡ್ ನಿಂದ ಸಾವಿಗೀಡಾಗಿದ್ದಾರೆ. ದ.ಕ.ದಲ್ಲಿ 137, ಉಡುಪಿ ಜಿಲ್ಲೆಯಲ್ಲಿ 122 ಮಂದಿ ಮೃತಪಟ್ಟಿದ್ದಾರೆ. ಕಳೆದ ಒಂದು ವಾರದಿಂದಂತೂ ಸಾವಿನ ಸಂಖ್ಯೆ ಗಣನೀಯವಾಗಿ ಏರಿಕೆ ಕಾಣುತ್ತಿದೆ. ಮೇ 26ರಂದು ಒಂದೇ ದಿನ ದ.ಕ. ಜಿಲ್ಲೆಯಲ್ಲಿ ಬರೋಬ್ಬರಿ 11 ಮಂದಿ ಸಾವನ್ನಪ್ಪಿದ್ದಾರೆ.
Related Articles
Advertisement
ಸಾವಿನ ಲೆಕ್ಕ ಕೆಲವು ಮಾತ್ರ! :
ಬೇರೆ ಕಾಯಿಲೆ ಇದ್ದು, ಕೋವಿಡ್ ದೃಢ ಪಟ್ಟು ಮೃತಪಟ್ಟರೆ ಅಂತಹ ಸಾವನ್ನು ಕೊರೊನಾದಿಂದಾದದ್ದು ಎಂದು ಪರಿಗಣಿಸಲಾ ಗುವುದಿಲ್ಲ. ಬದಲಾಗಿ ಆ ಸಮಯದಲ್ಲಿ ಆತನಿಗೆ ಬೇರೆ ಕಾಯಿಲೆ ಇದ್ದರೆ, ಸಾವಿನ ನಿಖರತೆ ಪತ್ತೆ ಮಾಡಿದ ಬಳಿಕವೇ ಕಾರಣವನ್ನು ನಿರ್ಧರಿಸಲಾಗುತ್ತದೆ. ಇದಕ್ಕಾಗಿಯೇ 13 ಮಂದಿ ವೈದ್ಯಾಧಿಕಾರಿಗಳ ತಂಡವನ್ನು ಹಿಂದಿನ ಜಿಲ್ಲಾಧಿಕಾರಿ ಸಿಂಧೂ ಬಿ. ರೂಪೇಶ್‌ ರಚಿಸಿದ್ದರು.
ನಿರ್ಲಕ್ಷ್ಯ ಸಲ್ಲದು :
ಸಾರ್ವಜನಿಕರು ಕೋವಿಡ್ ನಿರ್ಲಕ್ಷಿಸದೆ ನಿಯಮ ಪಾಲಿಸಬೇಕು. ರೋಗ ಲಕ್ಷಣ ಕಂಡುಬಂದರೆ ಕೂಡಲೇ ಕೊರೊನಾ ಪರೀಕ್ಷೆಗೆ ಒಳಗಾಗಿ. ಆಸ್ಪತ್ರೆ ಬಗ್ಗೆ ನಿರ್ಲಕ್ಷ್ಯ ಮನೋಭಾವ, ಸುಳ್ಳು ಸುದ್ದಿಗಳನ್ನು ನಂಬಬೇಡಿ. ಎರಡನೇ ಅಲೆಯಲ್ಲಿ ವೈರಸ್‌ ತೀವ್ರಗತಿಯಲ್ಲಿ ಹರಡುತ್ತಿದೆ.–ಡಾ| ಸುಧೀರ್‌ ಚಂದ್ರ ಸೂಡ, ಉಡುಪಿ ಡಿಎಚ್‌ಒ
ನಿಯಮ ಪಾಲಿಸಿ :
ಕೋವಿಡ್ ಲಕ್ಷಣ ಇದ್ದರೂ ಕೆಲವರು ಹತ್ತಿರದ ಮೆಡಿಕಲ್‌, ವೈದ್ಯರಿಂದ ಜ್ವರದ ಮಾತ್ರೆಗಳನ್ನು ತೆಗೆದುಕೊಂಡು ತಾತ್ಕಾಲಿಕವಾಗಿ ಸುಧಾರಿಸಿಕೊಳ್ಳುತ್ತಾರೆ. ಉಲ್ಬಣಗೊಂಡ ಬಳಿಕ ಕೊರೊನಾ ಪರೀಕ್ಷೆ ನಡೆಸುತ್ತಿದ್ದಾರೆ. ಮೊದಲ ಅಲೆಯಲ್ಲಿ 70 ವರ್ಷ ಮೇಲ್ಪಟ್ಟವರ ಸಾವಿನ ಸಂಖ್ಯೆ ಹೆಚ್ಚು ಇತ್ತು. ಈಗ 45-65 ವರ್ಷದೊಳಗಿನವರೇ ಹೆಚ್ಚಾಗಿ ಸಾವಿಗೀಡಾಗುತ್ತಿದ್ದಾರೆ. ಹಿರಿಯರು ಹೆಚ್ಚಿನ ಸಂಖ್ಯೆಯಲ್ಲಿ ಲಸಿಕೆ ಪಡೆದುಕೊಂಡಿದ್ದಾರೆ. ಎಲ್ಲರೂ ನಿಯಮ ಪಾಲನೆ ಮಾಡಬೇಕು. – ಡಾ| ಅಣ್ಣಯ್ಯ ಕುಲಾಲ್‌, ಡೆತ್‌ ಆಡಿಟ್‌ ಕಮಿಟಿ ಸದಸ್ಯ, ದ.ಕ. ಜಿಲ್ಲೆ