ಇಂಗ್ಲೆಂಡ್‌ನಿಂದ ಬಂದವರಿಗೆ ಕೊರೊನಾ..?

ದೇವನಹಳ್ಳಿ: ಇಂಗ್ಲೆಂಡ್‌ ದೇಶದಿಂದ ತಾಲೂಕಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ಮೂವರು ಪ್ರಯಾಣಿಕರಿಗೆ ಕೊರೊನಾ ಪಾಸಿಟೀವ್‌ ಆಗಿದೆ. ಬುಧವಾರ ಬೆಳಗಿನ ಜಾವ ತಾಲೂಕಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬಂದಿದ್ದ ಪ್ರಯಾಣಿಕರ ಪೈಕಿ 3 ಮಂದಿಯಲ್ಲಿ ಕೋವಿಡ್‌ ಪರೀಕ್ಷೆಗೆ ಒಳಪಡಿಸಿದಾಗ ಕೊರೊನಾ ಸೋಂಕು ದೃಢಪಟ್ಟಿದ್ದು ಸೋಂಕಿತರನ್ನು ಬೆಂಗಳೂರಿನ ಬೌರಿಂಗ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ವಿಮಾನದಲ್ಲಿ ಬಂದಿದ್ದ ಪ್ರಯಾಣಿಕರನ್ನು ಆರ್‌ಟಿಪಿಸಿಆರ್‌ ಪರೀಕ್ಷೆ ಮಾಡಲಾಗಿದ್ದು, 25 ವರ್ಷದ ಪುರುಷ, 18 ವರ್ಷದ ಯುವಕ, ಮತ್ತು 9 ವರ್ಷದ ಬಾಲಕನಿಗೆ ಕೊರೊನಾ ಪಾಸಿಟಿವ್‌ ಬಂದಿದೆ. ಉಳಿದ ಪ್ರಯಾಣಿಕರ ವರದಿ ನೆಗೆಟೀವ್‌ ಬಂದಿದ್ದು,7 ದಿನಗಳ ಕಾಲ ಹೊಂ ಕ್ವಾರಂಟೈನ್‌ಗೆ ಸೂಚಿಸಲಾಗಿದೆ. ಸೋಂಕಿತರ ಗಂಟಲು ದ್ರವ ಪಡೆದುಕೊಂಡು ಜಿನೋಮಿಕ್‌ ಸಿಕ್ವೆನ್ಸಿಂಗ್‌ಗೆ ಕಳುಹಿಸ ಲಾಗಿದೆ. ಇದುವರೆಗೂ 20ಕ್ಕೂ ಹೆಚ್ಚು ಮಾದರಿಗಳನ್ನು ಜಿನೋಮಿಕ್‌ ಪರೀಕ್ಷೆಗೆ ಕಳುಹಿಸಲಾಗಿದೆ. ಈ ವರದಿಯು ಇಂದು ಅಥವಾ ನಾಳೆ ಕೈಸೇರುವ ಸಾಧ್ಯತೆಗಳಿದೆ.

ಇದನ್ನೂ ಓದಿ:- ರಚ್ಚುಗೆ ಧ್ರುವ ಸರ್ಜಾ ಸಾಥ್‌: ಇಂದು ಲವ್‌ ಯು ರಚ್ಚು ಟ್ರೈಲರ್

“ಹೈರಿಸ್ಕ್ ರಾಷ್ಟ್ರ ಇಂಗ್ಲೆಂಡ್‌ ನಿಂದ ಬಂದ ಮೂವರಿಗೆಕೊರೋನಾ ಪಾಸಿಟೀವ್‌ ಬಂದಿದೆ. ತಕ್ಷಣ ಅವರನ್ನು ಬೋರಿಂಗ್‌ ಆಸ್ಪತ್ರೆಗೆ ಕಳುಹಿಸಲಾಗಿದೆ. ವಿಮಾನನಿಲ್ದಾಣ ದಲ್ಲಿ ಆರೋಗ್ಯ ಇಲಾಖೆಯಿಂದ ವಿವಿಧ ದೇಶಗಳಿಂದ ಬರುವ ಎಲ್ಲಾ ಪ್ರಯಾಣಿಕರಿಗೆಕೋವಿಡ್‌ ಪರೀಕ್ಷೆ ಮಾಡಿಸಲಾಗುತ್ತಿದೆ.” ●ಡಾ.ಎ.ತಿಪ್ಪೇಸ್ವಾಮಿ, ಜಿಲ್ಲಾ ಆರೋಗ್ಯಾಧಿಕಾರಿ