Advertisement

ಬಾಡಿಗೆ ತಾಯಿಗೆ ವಿಮೆ : ಕೇಂದ್ರ ಸರಕಾರದ ಹೊಸ ಆದೇಶ

09:23 AM Jun 24, 2022 | Team Udayavani |

ಹೊಸದಿಲ್ಲಿ: ಬಾಡಿಗೆ ತಾಯಿಯ ಮೂಲಕ ಮಕ್ಕಳನ್ನು ಪಡೆಯುವವರು ಆಕೆಗೆಕಡ್ಡಾಯವಾಗಿ 3 ವರ್ಷಗಳ ಆರೋಗ್ಯ ವಿಮೆ ಮಾಡಿಸಲೇಬೇಕು. ಇತ್ತೀಚೆಗೆ ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾ ಲಯ ಬಿಡುಗಡೆ ಮಾಡಿದ ಸುತ್ತೋಲೆಯಲ್ಲಿ ಈ ವಿಚಾರವನ್ನು ಉಲ್ಲೇಖೀಸಲಾಗಿದೆ.

Advertisement

ಬಾಡಿಗೆ ತಾಯಿ ಗರ್ಭಿಣಿಯಾದಾಗ ಮತ್ತು ಹೆರಿಗೆಯ ಬಳಿಕ ಯಾವುದೇ ಪ್ರತಿಕೂಲಗಳನ್ನು ಎದುರಿಸಲು ಬೇಕಾಗುವ ವಿತ್ತೀಯ ನೆರವು ನೀಡುವಷ್ಟು ವಿಮೆ ಇರಬೇಕು ಎಂದು ಸ್ಪಷ್ಟವಾಗಿ ಸೂಚಿಸಲಾಗಿದೆ.

ಅದಕ್ಕಾಗಿ ಮಾನ್ಯತೆ ಪಡೆದಿರುವ ಆರೋಗ್ಯ ವಿಮೆ ಕಂಪೆನಿಯಿಂದ ವಿಮೆ ಮಾಡಿಸಿಕೊಳ್ಳಬೇಕು. ಈ ಸಂಬಂಧ ಮಕ್ಕಳನ್ನು ಪಡೆಯಲು ಇಚ್ಛಿಸುವ ದಂಪತಿ ಕೋರ್ಟ್‌ಗೆ ಅಫಿದಾವಿತ್‌ ಸಲ್ಲಿಸಬೇಕು. ಬಾಡಿಗೆ ತಾಯಿಗೆ ಒಂದು ಬಾರಿ ಒಂದು ಭ್ರೂಣವನ್ನು ಮಾತ್ರ ಪ್ರಸೂತಿ ರೋಗ ತಜ್ಞರು ವರ್ಗಾಯಿಸಬಹುದು. ವಿಶೇಷ ಪ್ರಕರಣಗಳಲ್ಲಿ ಮಾತ್ರ 3 ಭ್ರೂಣಗಳವರೆಗೆ ವರ್ಗಾಯಿಸಬಹುದು ಎಂದು ಸೂಚಿಸಲಾಗಿದೆ.

ಜೂ. 21ರಂದು ಹೊರಡಿಸ ಲಾದ ಸುತ್ತೋಲೆ ಪ್ರಕಾರ ಬಾಡಿಗೆ ತಾಯಿ ಮೂಲಕ 3 ಬಾರಿ ಮಾತ್ರ ಮಕ್ಕಳನ್ನು ಪಡೆಯುವ ಪ್ರಯತ್ನ ಮಾಡಲು ಅವಕಾಶ ಕಲ್ಪಿಸಲಾಗಿದೆ. 1971ರ ಕಾಯ್ದೆಯಂತೆ ವೈದ್ಯಕೀಯ ಕಾರಣಗಳಿಗಾಗಿ ಬಾಡಿಗೆ ತಾಯಿಗೆ ಗರ್ಭಪಾತಕ್ಕೆ ಅವಕಾಶ ಇದೆ. ಈ ವರ್ಷದ ಜ. 25ರಂದು ಬಾಡಿಗೆ ತಾಯಿ (ನಿಯಂತ್ರಣ ಕಾಯ್ದೆ) ದೇಶಾದ್ಯಂತ ಜಾರಿಗೆ ಬಂದಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next