ಪೊಲೀಸರಿಂದ ಹಲ್ಲೆ: ಕೇರಳ ಸಂಸದರ ಆರೋಪ

ನವದೆಹಲಿ: ರಾಷ್ಟ್ರ ರಾಜಧಾನಿ ನವದೆಹಲಿಯ ಪೊಲೀಸರು, ಪ್ರತಿಭಟನಾನಿರತರಾಗಿದ್ದ ನಮ್ಮ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂದು ಕೇರಳದ ಯುನೈಟೆಡ್‌ ಡೆಮೋಕ್ರಟಿಕ್‌ ಫ್ರಂಟ್‌(ಯುಡಿಎಫ್)ನ ಸಂಸದರು ಆರೋಪಿಸಿದ್ದಾರೆ.

ಈ ಬಗ್ಗೆ ಲೋಕಸಭೆಯಲ್ಲಿ ಪ್ರಶ್ನಿಸಿರುವ ಕಾಂಗ್ರೆಸ್‌ ಸಂಸದ ಕೆ. ಸುರೇಶ್‌, “ಕೆ-ರೈಲು-ಸಿಲ್ವರ್‌ಲೈನ್‌ ಯೋಜನೆ’ಯನ್ನು ವಿರೋಧಿಸಿ 12 ಸಂಸದರು ಗುರುವಾರ ವಿಜಯ್‌ ಚೌಕ್‌ ಬಳಿ ಪ್ರತಿಭಟನೆ ನಡೆಸುತ್ತಿದ್ದರು. ಆ ವೇಳೆ ದೆಹಲಿ ಪೊಲೀಸರು ಅವರನ್ನು ಅಡ್ಡಗಟ್ಟಿದ್ದಾರೆ. ನಾವು ಸಂಸದರೆಂದು ಹೇಳಿದರೂ ಕೇಳದೆ ನಮ್ಮನ್ನು ತಳ್ಳಿದರು’ ಎಂದು ಅವರು ದೂರಿದ್ದಾರೆ.