Advertisement

ಭಾರತ್ ಜೋಡೋದಲ್ಲಿ ಪಾಕಿಸ್ಥಾನ್ ಜಿಂದಾಬಾದ್ ? ; ಬಿಜೆಪಿ ಆರೋಪಕ್ಕೆ ಕೈ ಕೆಂಡ

07:37 PM Nov 25, 2022 | Team Udayavani |

ಭೋಪಾಲ್: ಮಧ್ಯಪ್ರದೇಶದಲ್ಲಿ ನಡೆದ ‘ಭಾರತ್ ಜೋಡೋ’ ಯಾತ್ರೆಯಲ್ಲಿ ಪಾಕಿಸ್ಥಾನ್ ಜಿಂದಾಬಾದ್ ಎಂಬ ಘೋಷಣೆಗಳನ್ನು ಕೂಗಲಾಗಿದೆ ಎಂದು ಹೇಳುವ ಮೂಲಕ ಬಿಜೆಪಿ ಐಟಿ ಸೆಲ್ ಮುಖ್ಯಸ್ಥರು ಪೋಸ್ಟ್ ಮಾಡಿದ ವಿಡಿಯೋವನ್ನು ಕಾಂಗ್ರೆಸ್ ಶುಕ್ರವಾರ ನಕಲಿ ಎಂದು ಕರೆದಿದೆ ಮತ್ತು ಆಡಳಿತ ಪಕ್ಷದ ಕೊಳಕು ವಿಭಾಗದ ತಂತ್ರಗಳು ಎಂದು ಕಿಡಿ ಕಾರಿದೆ.

Advertisement

ಭಾರತ್ ಜೋಡೋ ಯಾತ್ರೆಯ ಅದ್ಭುತ ಯಶಸ್ಸಿನಿಂದಾಗಿ ಇಂತಹ ತಂತ್ರಗಳನ್ನು ಅಳವಡಿಸಿಕೊಳ್ಳಲಾಗುತ್ತಿದೆ ಎಂದು ಕಾಂಗ್ರೆಸ್ ಹೇಳಿದೆ ಮತ್ತು ಬಿಜೆಪಿ ವಿಡಿಯೋಗಳನ್ನು ಅಳಿಸಬೇಕು ಇಲ್ಲದಿದ್ದರೆ ಕಾನೂನು ಕ್ರಮ ಎದುರಿಸಲು ಸಿದ್ಧರಾಗಿರಿ ಎಂದು ಎಚ್ಚರಿಸಿದೆ.

ಬಿಜೆಪಿ ಐಟಿ ಸೆಲ್ ಮುಖ್ಯಸ್ಥ ಅಮಿತ್ ಮಾಳವಿಯ ಅವರು ಕಾಂಗ್ರೆಸ್ ಮಾಜಿ ಅಧ್ಯಕ್ಷ ರಾಹುಲ್ ಗಾಂಧಿ, ಪಕ್ಷದ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ವಾದ್ರಾ ಮತ್ತು ಮಧ್ಯಪ್ರದೇಶ ಕಾಂಗ್ರೆಸ್ ಅಧ್ಯಕ್ಷ ಕಮಲ್ ನಾಥ್ ಅವರು ನಡೆದುಕೊಂಡು ಹೋಗುತ್ತಿರುವ ಯಾತ್ರೆಯ ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ ಮತ್ತು 21 ಸೆಕೆಂಡುಗಳ ಕ್ಲಿಪ್ ನ ಕೊನೆಯಲ್ಲಿ “ಪಾಕಿಸ್ಥಾನ್ ಜಿಂದಾಬಾದ್” ಎಂದು ಕೂಗುವ ಧ್ವನಿ ಕೇಳಿಬರುತ್ತಿದೆ.

“ರಾಹುಲ್ ಗಾಂಧಿಯವರ ಭಾರತ್ ‘ಜೋಡೋ’ ಯಾತ್ರೆಗೆ ಸೇರಲು ರಿಚಾ ಚಡ್ಡಾ ಸಾರ್ವಜನಿಕವಾಗಿ ಅರ್ಜಿ ಸಲ್ಲಿಸಿದ ನಂತರ, ಖಾರ್ಗೋನ್‌ನಲ್ಲಿ ‘ಪಾಕಿಸ್ಥಾನ್ ಜಿಂದಾಬಾದ್’ (ವಿಡಿಯೋ ಅಂತ್ಯಕ್ಕೆ ಆಲಿಸಿ) ಘೋಷಣೆಗಳು ಎದ್ದಿವೆ. ಕಾಂಗ್ರೆಸ್ ಸಂಸದ ರಾಹುಲ್ ಅವರು ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ ಮತ್ತು ವಿಚಾರ ಪಾಸ್ ಬೆಳಕಿಗೆ ಬಂದ ನಂತರ ಅದನ್ನು ಅಳಿಸಿದ್ದಾರೆ. ಇದು ಕಾಂಗ್ರೆಸ್ಸಿನ ಸತ್ಯ…’’ ಎಂದು ಮಾಳವೀಯ ಟ್ವೀಟ್ ಮಾಡಿದ್ದರು.

ಬಿಜೆಪಿಯ “ಡರ್ಟಿ ಟ್ರಿಕ್ಸ್ ಡಿಪಾರ್ಟ್‌ಮೆಂಟ್ ನ ವಿಡಿಯೋ ಅತ್ಯಂತ ಯಶಸ್ವಿ ಭಾರತ್ ಜೋಡೋ ಯಾತ್ರೆಗೆ ಅಪಖ್ಯಾತಿ ತರಲು ಸುತ್ತು ಹಾಕುತ್ತಿದೆ ಎಂದು ಕಾಂಗ್ರೆಸ್‌ನ ಸಂವಹನ ಪ್ರಧಾನ ಕಾರ್ಯದರ್ಶಿ ಜೈರಾಮ್ ರಮೇಶ್ ಹೇಳಿದ್ದಾರೆ. ನಾವು ತಕ್ಷಣ ಅಗತ್ಯ ಕಾನೂನು ಕ್ರಮಗಳನ್ನು ತೆಗೆದುಕೊಳ್ಳುತ್ತೇವೆ. ನಾವು ಅಂತಹ ತಂತ್ರಗಳಿಗೆ ಸಿದ್ಧರಿದ್ದೇವೆ ಮತ್ತು ತಿರುಗೇಟು ಇರುತ್ತದೆ ”ಎಂದು ಟ್ವೀಟ್ ಮಾಡಿದ್ದಾರೆ.

Advertisement

ಮತ್ತೊಂದು ಟ್ವೀಟ್‌ನಲ್ಲಿ, ಛತ್ತರ್‌ಪುರ ಜಿಲ್ಲೆಯಲ್ಲಿ ವಜ್ರ ಗಣಿಗಾರಿಕೆ ಯೋಜನೆಯಿಂದ ಸ್ಥಳಾಂತರಗೊಂಡ ಬುಡಕಟ್ಟು ಕುಟುಂಬಗಳನ್ನು ಇಂದು ಮಧ್ಯಾಹ್ನ ರಾಹುಲ್ ಗಾಂಧಿಯನ್ನು ಭೇಟಿಯಾಗದಂತೆ ಮಧ್ಯಪ್ರದೇಶ ಸರ್ಕಾರ ಬೆದರಿಕೆ ಮತ್ತು ಆಕ್ರಮಣಕಾರಿಯಾಗಿ ತಡೆಯಿತು ಎಂದು ರಮೇಶ್ ಆರೋಪಿಸಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next