ಗಾರ್ಮೆಂಟ್‌ ನೌಕರರ ಹಿತರಕ್ಷಣೆಗೆ ಸಮಿತಿ

ಬೆಂಗಳೂರು: ಗಾರ್ಮೆಂಟ್‌ಗಳು ಅಸ್ತಿತ್ವ ಉಳಿಸಿಕೊಂಡು, ಕಾರ್ಮಿಕರ ಹಿತವನ್ನು ಕಾಯ್ದುಕೊಳ್ಳಲು ಪೂರಕವಾಗಿ ಸಮಿತಿ ರಚಿಸುವಂತೆ ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಸೂಚನೆ ನೀಡಿದ್ದಾರೆ.

ಮುಖ್ಯಮಂತ್ರಿಗಳ ಗೃಹ ಕಚೇರಿ “ಕೃಷ್ಣಾ’ದಲ್ಲಿ ಮಂಗಳವಾರ ಗಾರ್ಮೆಂಟ್‌ ನೌಕರರು ಹಾಗೂ ಗಾರ್ಮೆಂಟ್‌ ಕಂಪನಿಗಳ ಮಾಲೀಕರೊಂದಿಗೆ ಸಭೆ ನಡೆಸಿದ ಕುಮಾರಸ್ವಾಮಿ, ಕಾರ್ಮಿಕರ ಹಿತ ಕಾಯುವ ಜತೆಗೆ ಗಾರ್ಮೆಂಟ್‌ ಸಂಸ್ಥೆಗಳೂ ಉಳಿಯಬೇಕಿದೆ.

ಹಾಗಾಗಿ ಸರ್ಕಾರಿ ಅಧಿಕಾರಿಗಳು, ಗಾರ್ಮೆಂಟ್‌ ಸಂಸ್ಥೆ ಮಾಲೀಕರು, ಕಾರ್ಮಿಕರನ್ನು ಒಳಗೊಂಡ ಸಮಿತಿ ರಚನೆ ಸೂಚಿಸಲಾಗಿದೆ. ಈ ಸಮಿತಿಯು ಕಾಲಮಿತಿಯೊಳಗೆ ವರದಿ ಸಲ್ಲಿಸುವಂತೆಯೂ ಆದೇಶಿಸಲಾಗಿದೆ ಎಂದು ಹೇಳಿದರು.