ಕುಂದಾಪುರ: ಊರಲ್ಲೇ ಇದ್ದುಕೊಂಡು ಮತ ಚಲಾಯಿಸಲು ಉದಾಸೀನ ತೋರುವ ನಗರವಾಸಿಗಳು ಒಂದು ಕಡೆಯಾದರೆ ಮತದಾನಕ್ಕಾಗಿಯೇ ವಿದೇಶಗಳಿಂದ ಬರುತ್ತಿರುವವರ ಸಂಖ್ಯೆ ಸಣ್ಣದೇನಲ್ಲ.
ಎ. 23ರಂದು ನಡೆಯುವ ಶಿವಮೊಗ್ಗ ಲೋಕಸಭಾ ಕ್ಷೇತ್ರದ ಚುನಾವಣೆಗೆ ಬೈಂದೂರು ವಿಧಾನಸಭಾ ಕ್ಷೇತ್ರದ ಮತದಾರರೊಬ್ಬರು ಸಿಂಗಾಪುರದಿಂದ ಕಟ್‌ಬೆಲೂ¤ರಿಗೆ ಬರುತ್ತಿದ್ದಾರೆ.
ಈ ಕುರಿತು “ಉದಯವಾಣಿ’ ಜತೆ ಮಾತನಾಡಿದ ಜಾಗೃತ ಮತದಾರ ಕಟ್‌ಬೆಲೂ¤ರಿನ ಶೇಷಾದ್ರಿ ಉಡುಪ ಅವರು ಪ್ರಪಂಚದ ಅತಿದೊಡ್ಡ ಚುನಾವಣ ಪ್ರಕ್ರಿಯೆಯಲ್ಲಿ ಭಾಗವಹಿಸುವುದು ಮತ್ತು ಮತ ಚಲಾಯಿಸುವುದು ನನ್ನ ಕರ್ತವ್ಯ ಎಂದು ಭಾವಿಸಿದ್ದೇನೆ. ಭಾರತಕ್ಕೆ ಸಮರ್ಥ ನಾಯಕತ್ವದ ಅಗತ್ಯವಿದ್ದು ಅದನ್ನು ಚುನಾಯಿಸುವುದು ನಮ್ಮ ಆದ್ಯತೆಯೂ ಹೌದು ಎಂದಿದ್ದಾರೆ.
15 ವರ್ಷಗಳಿಂದ ಸಿಂಗಾಪುರದಲ್ಲಿದ್ದು ಜಗತ್ತಿನ ಕಣ್ಣಿನಲ್ಲಿ ಭಾರತದ ಕುರಿತ ಅಭಿಪ್ರಾಯ ಹೇಗಿದೆ ಎನ್ನುವುದನ್ನು ಕಂಡಿದ್ದೇನೆ. ಭಾರತ ಸೂಪರ್‌
ಪವರ್‌ ಆಗಲು ಸೂಕ್ತ ನಾಯಕ ಅಗತ್ಯ; ಅದಕ್ಕಾಗಿ ಮತದಾನ ಮಾಡಲೇ ಬೇಕು. ಇತರರಿಗೂ ನಾವು ಪ್ರೇರಣೆಯಾಗಬೇಕು ಎನ್ನುತ್ತಾರೆ ಅವರು.
