Tennis: ಅಲೆಕ್ಸಾಂಡರ್‌ ಮುಲ್ಲರ್‌ಗೆ ಹಾಂಕಾಂಗ್‌ ಪ್ರಶಸ್ತಿ

ಹಾಂಕಾಂಗ್‌: ಫ್ರಾನ್ಸ್‌ನ ಅಲೆಕ್ಸಾಂಡರ್‌ ಮುಲ್ಲರ್‌ ತಮ್ಮ ಟೆನಿಸ್‌ ಬಾಳ್ವೆಯ ಮೊದಲ ಎಟಿಪಿ ಟೂರ್‌ ಪ್ರಶಸ್ತಿ ಜಯಿಸಿದ್ದಾರೆ. ಅವರು 2025ನೇ ಸಾಲಿನ “ಹಾಂಕಾಂಗ್‌ ಓಪನ್‌’ ಪಂದ್ಯಾವಳಿಯಲ್ಲಿ ಚಾಂಪಿಯನ್‌ ಆಗಿ ಹೊರಹೊಮ್ಮಿದ್ದಾರೆ.

ರವಿವಾರದ ಪ್ರಶಸ್ತಿ ಹಣಾ ಹಣಿ ಯಲ್ಲಿ ಅಲೆಕ್ಸಾಂಡರ್‌ ಮುಲ್ಲರ್‌ ಜಪಾನ್‌ನ ಕೀ ನಿಶಿಕೊರಿ ವಿರುದ್ಧ 2-6, 6-1, 6-3 ಅಂತರದ ಗೆಲುವು ಒಲಿಸಿಕೊಂಡರು. ಸ್ವಾರಸ್ಯವೆಂದರೆ, ಮುಲ್ಲರ್‌ ಈ ಕೂಟದ ಎಲ್ಲ ಪಂದ್ಯಗಳಲ್ಲಿ ಮೊದಲ ಸೆಟ್‌ ಸೋತೇ ಗೆದ್ದು ಬಂದಿರುವುದು! ಟೂರ್‌ ಲೆವೆಲ್‌ ಟೆನಿಸ್‌ನಲ್ಲಿ ಇಂಥದೊಂದು ಫ‌ಲಿತಾಂಶ ದಾಖಲಾದ 3ನೇ ನಿದರ್ಶನ ಇದಾಗಿದೆ.

ಈ ಸಾಧನೆಯಿಂದ ನೂತನ ಟೆನಿಸ್‌ ರ್‍ಯಾಂಕಿಂಗ್‌ನಲ್ಲಿ 11 ಸ್ಥಾನ ಮೇಲೇರ ಲಿರುವ ಮುಲ್ಲರ್‌, ಜೀವನಶ್ರೇಷ್ಠ 56ನೇ ರ್‍ಯಾಂಕ್‌ ಗಳಿಸಲಿದ್ದಾರೆ.