Kodi: ಬಲೆ ಸಹಿತ ಸ್ಕೂಟಿ ಕಳವು

ಪಡುಬಿದ್ರಿ: ಹೆಜಮಾಡಿ ಕೋಡಿ ಕುಂದರ್‌ಮೂಲಸ್ಥಾನದ ಬಳಿ ತನ್ನ ಮನೆಗೆ ಹೋಗುವ ರಸ್ತೆ ಬದಿ ಕೀ ಸಹಿತವಾಗಿ ನಿಲ್ಲಿಸಿದ್ದ ಸ್ಕೂಟಿಯನ್ನು ಅದರಲ್ಲಿ ಹೇರಿಡಲಾಗಿದ್ದ ಮೀನು ಗಾರಿಕ ಬಲೆ ಸಮೇತ ಅ. 4ರ ಸಂಜೆಯ ವೇಳೆ ಯಾರೋ ಕಳ್ಳರು ಕದ್ದೊಯ್ದಿದ್ದಾರೆ.

ಕಳವಾದ ಸೊತ್ತುಗಳ ಒಟ್ಟು ಮೌಲ್ಯ ಸುಮಾರು 73,000 ರೂ. ಗಳೆಂದು ಪಡುಬಿದ್ರಿ ಪೊಲೀಸರಿಗಿತ್ತ ದೂರಿನಲ್ಲಿ ತಿಳಿಸಲಾಗಿದೆ.

ಸೋಮನಾಥ ಜೆ. ಕರ್ಕೇರ ಅವರಿಗೆ ಸೇರಿದ ಟಿವಿಎಸ್‌ ಜ್ಯುಪಿಟರ್‌ ಸ್ಕೂಟಿ ಇದಾಗಿದೆ. ಇದನ್ನು ತಮ್ಮ ಮನೆ ಬಳಿ ನಿಲ್ಲಿಸಿ ತಮ್ಮದೇ ಮೀನುಗಾರಿಕ ಬೋಟಿನ ಎಂಜಿನ್‌ ರಿಪೇರಿಗೆಂದು ತೆರಳಿದ್ದರು.
ರಿಪೇರಿ ಮುಗಿಸಿ ವಾಪಸಾದಾಗ ದ್ವಿಚಕ್ರ ವಾಹನವು ಕಾಣೆಯಾಗಿತ್ತು. ಪಡುಬಿದ್ರಿ ಠಾಣೆಯಲ್ಲಿ ಈ ಬಗ್ಗೆ ಪ್ರಕರಣ ದಾಖಲಾಗಿದೆ.