Uppinangady: ಪದೆಂಜಲಾಪು ಪ್ರದೇಶ ಪಂಚಾಯತ್‌ನಿಂದ ಸ್ವಚ್ಛ

ಉಪ್ಪಿನಂಗಡಿ: ತಣ್ಣೀರುಪಂತ ಗ್ರಾಮ ಪಂಚಾಯತ್‌ ವ್ಯಾಪ್ತಿಯ ಅಳಕೆ ಸಮೀಪ ತ್ಯಾಜ್ಯ ರಾಶಿ ಇದ್ದ ಪ್ರದೇಶನ್ನೀಗ ಮಣ್ಣು ಹಾಕಿ ಸ್ವತ್ಛ ಮಾಡಿ ನಾಗರಿಕರು ನೆಮ್ಮದಿಯ ಉಸಿರು ಬಿಡುವಂತೆ ಪಂಚಾಯತ್‌ ಆಡಳಿತ ಕೆಲಸ ಮಾಡಿದೆ.

ಪದೆಂಜಲಾಪು ಪ್ರದೇಶದಲ್ಲಿ ಗ್ರಾಪಂಗೆ ಸೇರಿದ 13ಎಕ್ರೆ ಜಮೀನಿನ ಒಂದು ಭಾಗದ ಗುಂಡಿಯಲ್ಲಿ ತ್ಯಾಜ್ಯ ರಾಶಿ ಹಾಕಲಾಗಿತ್ತು.ನಾಯಿ, ಕಾಗೆ, ಇತರ ಪಕ್ಷಿಗಳ ಸಹಿತ ಕಾಡು ಹಂದಿ ಕೂಡ ತ್ಯಾಜ್ಯ ಎಳೆದಾಡುವ ಸ್ಥಿತಿ ಮಾಮೂಲಾಗಿತ್ತು. ಇಲ್ಲಿ ಉಂಟಾಗಿದ್ದ ಪರಿಸ್ಥಿತಿಯಿಂದ ಸಾಂಕ್ರಾಮಿಕ ರೋಗದ ಭೀತಿಗೂ ಪರಿಸರದ ಜನ ಒಳಗಾಗಿದ್ದರು. ಇಲ್ಲಿನ ಸನ್ನಿವೇಶದ ಕುರಿತು. ಜನರು ಆಡಳಿತಕ್ಕೆ ದೂರು ನೀಡಿದರು ಪರಿಹಾರ ಆಗಿರಲಿಲ್ಲ. ಅಲ್ಲಿನ ಸ್ಥಿತಿಗತಿಯ ಬಗ್ಗೆ ಉದಯವಾಣಿ ಸುದಿನ ವರದಿ ಪ್ರಕಟಿಸಿ ಸಂಬಧಪಟ್ಟವರನ್ನು ಎಚ್ಚರಿಸಿತ್ತು. ಇದೀಗ ಸ್ಪಂದಿಸಿದ ಗ್ರಾಮ ಪಂಚಾಯತ್‌ ಆ ಪ್ರದೇಶನ್ನು ಶುಚಿಗೊಳಿಸುವ ಮೂಲಕ ಪ್ರಕರಣಕ್ಕೆ ತೆರೆ ಎಳೆದಿದೆ.