6-8 Class ವಿದ್ಯಾರ್ಥಿಗಳಿಗೆ 10 ದಿನ ಬ್ಯಾಗ್‌ ಬೇಕಿಲ್ಲ: ಕೇಂದ್ರ

ಹೊಸದಿಲ್ಲಿ: 6ರಿಂದ 8ನೇ ತರಗತಿ ವಿದ್ಯಾರ್ಥಿಗಳಿಗೆ ಬ್ಯಾಗ್‌ ರಹಿತ ದಿನಗಳನ್ನು ಪರಿಚಯಿಸಿ ಕಲಿಕೆಯನ್ನು ಆರಾಮದಾಯಕ, ಪ್ರಾಯೋಗಿಕ ಹಾಗೂ ಒತ್ತಡವಿಲ್ಲದೆ ನಡೆಸುವಂತೆ ಮಾಡಲು ಕೆಂದ್ರ ಶಿಕ್ಷಣ ಇಲಾಖೆ ಸೋಮವಾರ ಮಾರ್ಗಸೂಚಿಯನ್ನು ಪ್ರಕಟಿಸಿದೆ.

ಎನ್‌ಸಿಇಆರ್‌ಟಿಯ ಘಟಕವಾಗಿರುವ “ಪಿಎಸ್‌ಎಸ್‌ ಸೆಂಟ್ರಲ್‌ ಇನ್‌ಸ್ಟಿಟ್ಯೂಟ್‌ ಆಫ್ ವೊಕೆಶನಲ್‌ ಎಜುಕೇಶನ್‌ ಈ ಮಾರ್ಗಸೂಚಿಗಳನ್ನು ತಯಾರಿಸಿದೆ. 2020ರ ಹೊಸ ರಾಷ್ಟ್ರೀಯ ಶಿಕ್ಷಣ ನೀತಿ(NEP)ಯ 4ನೇ ವಾರ್ಷಿಕೋತ್ಸವದ ಅಂಗವಾಗಿ ಈ ಮಾರ್ಗಸೂಚಿಯನ್ನು ಪ್ರಕಟಿಸಲಾಗಿದೆ. 6ರಿಂದ 8ನೇ ತರಗತಿ ವಿದ್ಯಾರ್ಥಿಗಳು 10 ದಿನಗಳು ಬ್ಯಾಗ್‌ ರಹಿತವಾಗಿ ಶಾಲೆಗೆ ಬರಬೇಕು ಎಂದು ಎನ್‌ಇಪಿ ಶಿಫಾರಸು ಮಾಡಿತ್ತು.