ತ್ರಿವಳಿ ಮಕ್ಕಳಿಗೆ ಜನ್ಮ ನೀಡಿದ ಮಹಿಳೆ

ಚಿತ್ರದುರ್ಗ: ನಗರದ ಬಸವೇಶ್ವರ ವೈದ್ಯಕೀಯ ಕಾಲೇಜು ಮತ್ತುಆಸ್ಪತ್ರೆಯಲ್ಲಿ ಮಹಿಳೆಯೊಬ್ಬರು ತ್ರಿವಳಿ ಮಕ್ಕಳಿಗೆ ಜನ್ಮ ನೀಡಿದ್ದಾರೆ.ಜನವರಿ 4 ರಂದು ಹೆರಿಗೆ ನೋವಿನಿಂದ ಆಸ್ಪತ್ರೆಗೆ ದಾಖಲಾಗಿದ್ದಹೊಸದುರ್ಗ ತಾಲೂಕು ರಂಗವ್ವನಹಳ್ಳಿ ಗ್ರಾಮದ ರಂಗಸ್ವಾಮಿ ಅವರಪತ್ನಿ ಬಿ.ಎಸ್‌. ಮಂಜುಳಾ ಎರಡು ಹೆಣ್ಣು ಹಾಗೂ ಒಂದು ಗಂಡುಮಗು ಸೇರಿದಂತೆ ಮೂವರು ಮಕ್ಕಳನ್ನು ಹೆತ್ತಿದ್ದಾರೆ.

ಮಂಜುಳಾಅವರನ್ನು ಆಸ್ಪತ್ರೆಯ ವೈದ್ಯರಾದ ಡಾ| ಸುಹಾಸಿನಿ ಹಾಗೂ ಡಾ|ಆಶಾರಾಣಿ ಪರೀಕ್ಷಿಸಿದಾಗ ಮೂರು ಮಕ್ಕಳಿರುವುದು ಗೊತ್ತಾಗಿದೆ.ಅದೇ ದಿನ ಸಿಜೇರಿಯನ್‌ ಮಾಡಿ ಮಕ್ಕಳನ್ನು ಹೊರಗೆ ತೆಗೆದಿದ್ದಾರೆ.ಜನಿಸಿದ ಮೂರು ಮಕ್ಕಳು ಹಾಗೂ ತಾಯಿ ಆರೋಗ್ಯವಾಗಿದ್ದಾರೆಎಂದು ವೈದ್ಯರು ತಿಳಿಸಿದ್ದಾರೆ.

ಮಕ್ಕಳು ಜನಿಸಿದ ಬಳಿಕ ಮೂರು ದಿನಆಸ್ಪತ್ರೆಯ ತಜ್ಞರ ವೈದ್ಯರ ತಂಡ ಮಕ್ಕಳ ಆರೋಗ್ಯದ ಮೇಲೆ ನಿಗಾಇಟ್ಟಿತ್ತು. ಮೂವರು ಮಕ್ಕಳು ಆರೋಗ್ಯವಾಗಿದ್ದಾರೆ ಎಂದು ಖಚಿತಪಡಿಸಿಕೊಂಡ ಬಳಿಕ ಗುರುವಾರ ಆಸ್ಪತ್ರೆಯಿಂದ ತಾಯಿ, ಮಕ್ಕಳನ್ನುಬೀಳ್ಕೊಡಲಾಯಿತು. 34 ವರ್ಷದ ಮಂಜುಳಾ ಅವರಿಗೆ 6 ವರ್ಷದಹಿಂದೆ ಹೆಣ್ಣುಮಗು ಜನಿಸಿತ್ತು.