Chitradurga: ಕಾರು -ಲಾರಿ ಅಪಘಾತ; ಕಾರು ಚಾಲಕ ಸಾವು

ಭರಮಸಾಗರ (ಚಿತ್ರದುರ್ಗ) : ರಾಷ್ಟ್ರೀಯ ಹೆದ್ದಾರಿ 48 ರ ಸಿರಿಗೆರೆ ಕ್ರಾಸ್ ಬಳಿ ರಸ್ತೆ ಸೇತುವೆ ಮೇಲ್ಬಾಗದಲ್ಲಿ ಕಾರು ಮತ್ತು ಲಾರಿ ನಡುವೆ ಅಪಘಾತ ಸಂಭವಿಸಿ ಕಾರು ಚಾಲಕ ಸ್ಥಳದಲ್ಲೇ ಸಾವನ್ನಪ್ಪಿರುವ ಘಟನೆ ಜೂ28 ರ ಮುಂಜಾನೆ ನಡೆದಿದೆ.

ಕಾರು ಚಾಲಕ ತರೀಕೆರೆ ಮೂಲದ ಡಿ.ಎಮ್.ಜೀವನ್ ನಾಯ್ಕ್ (48) ಅಪಘಾತದಲ್ಲಿ ಮೃತಪಟ್ಟವರು.

ಕಾರು ಬೆಂಗಳೂರಿನಿಂದ ದಾವಣಗೆರೆ ಕಡೆ ಸಂಚರಿಸುವ ವೇಳೆ  ತಮಿಳುನಾಡು ನೊಂದಣಿ ಹೊಂದಿರುವ ಲಾರಿಗೆ ಡಿಕ್ಕಿ ಹೊಡೆದ ಪರಿಣಾಮ ಕಾರು ಚಾಲಕ ಸಾವನ್ನಪ್ಪಿದ್ದಾರೆ.

ಮೃತ ಚಾಲಕ ಜೀವನ್ ನಾಯ್ಕ್ ಒಬ್ಬರೆ ಸಂಚರಿಸುತ್ತಿದ್ದರು. ಅವರ ಮೊಬೈಲ್ ಟ್ರೇಸ್ ಮಾಡಲಾಗುತ್ತಿದೆ.
ಹೆಚ್ಚಿನ ಮಾಹಿತಿಯನ್ನು ಕಲೆ‌ಹಾಕಲಾಗುತ್ತದೆ ಎಂದು ಭರಮಸಾಗರ ಪೊಲೀಸ್ ರು ತಿಳಿಸಿದ್ದಾರೆ.

ಭರಮಸಾಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.