ಮೋದಿ ವಿಶ್ವದ ಶ್ರೇಷ್ಠ ನಾಯಕ: ನಾರಾಯಣಸ್ವಾಮಿ

ಹಿರಿಯೂರು: ದೇಶ ಕಂಡ ಅಗ್ರಗಣ್ಯ ನಾಯಕ ಮೋದಿಯವರು ಜನತೆಯ ಅಭಿಮಾನದಿಂದ 7 ವರ್ಷ ಪ್ರಧಾನಿಯಾಗಿ ಅ ಧಿಕಾರ ಪೂರೈಸಿ 8ನೇ ವರ್ಷದತ್ತ ಸಾಗುತ್ತಿದ್ದಾರೆ. ಇವರ ಸೇವೆ ದೇಶಕ್ಕೆ ಹೆಚ್ಚುಕಾಲ ದೊರೆಯಲಿ ಎಂದು ಸಂಸದ ಎ. ನಾರಾಯಣಸ್ವಾಮಿ ಹೇಳಿದರು. ಪ್ರಧಾನಿಯವರು 7 ವರ್ಷ ಅಧಿಕಾರವಧಿ ಪೂರೈಸಿದ ಹಿನ್ನೆಲೆಯಲ್ಲಿ ಇಲ್ಲಿನ ಕೋವಿಡ್‌ ಸೋಂಕಿತ ವ್ಯಕ್ತಿಗಳ ಕುಟುಂಬಕ್ಕೆ ಆಹಾರದ ಕಿಟ್‌ ವಿತರಿಸಿ ಮಾತನಾಡಿದರು.

ವಿಶ್ವದಲ್ಲಿ ಭಾರತದ ಸಾಧನೆ ಮತ್ತು ಸಾಮರ್ಥ್ಯ ಎಂತಹದು ಎಂಬುದನ್ನು ತೋರಿಸಿ ವಿಶ್ವ ಮೆಚ್ಚುವಂತ ನಾಯಕರಾಗಿದ್ದಾರೆ. ಅಂತಾರಾಷ್ಟ್ರೀಯ ಸಂಬಂಧಗಳನ್ನು ಗಟ್ಟಿಗೊಳಿಸಿದ್ದಾರೆ. ದೇಶದಲ್ಲಿ ಶಾಂತಿ, ನೆಮ್ಮದಿಯ ಬದುಕನ್ನು ನೀಡಿದ್ದಾರೆ.

ದೇಶದಲ್ಲಿ ಬಿಜೆಪಿ ಆಡಳಿತಕ್ಕೆ ಬಂದ ನಂತರ ಆರ್ಥಿಕ ಸಂಕಷ್ಟಗಳನ್ನು ದೂರ ಮಾಡಿ ದೇಶದ ಜನರಿಗೆ ರಕ್ಷಣೆ ನೀಡುವಲ್ಲಿ ಮಹತ್ವದ ಪಾತ್ರ ವಹಿಸಿದ್ದಾರೆ. ಸಾಮಾಜಿಕ ನ್ಯಾಯವನ್ನು ದೇಶದ ಜನತೆಗೆ ನೀಡಿದ್ದಾರೆ ಎಂದರು.

ಇದೇ ಸಂದರ್ಭದಲ್ಲಿ ನಗರದ ಮೋಕ್ಷಗುಂಡಮ್‌ ಶಾಲೆಯಲ್ಲಿನ ಕೋವಿಡ್‌ ಐಸೋಲೇಷನ್‌ ಕೇಂದಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ವೀರಶೈವ ಸಮಾಜದ ಅಧ್ಯಕ್ಷ ಯಶವಂತ್‌, ಸಿ. ಎಂ.ಸ್ವಾಮಿ. ಕೆ.ಆರ್‌. ವೀರಭದ್ರಯ್ಯ, ಬಿಜೆಪಿ ಮುಖಂಡರು ಉಪಸ್ಥಿತರಿದ್ದರು.