ನಾಯಿಗಳಿಗೆ ಬಣ್ಣ ಬಳಿದು ಗ್ರಾಹಕರನ್ನು ವಂಚಿಸಿದ ಕೆಫೆ

ಇತ್ತೀಚೆಗೆ ಮೃಗಾಲಯವೊಂದು ಕತ್ತೆಗಳಿಗೆ ಕಪ್ಪು, ಬಿಳಿ ಪಟ್ಟೆಗಳನ್ನು ಹಾಕಿ ಜೀಬ್ರಾ ಎಂದು ಮೋಸ ಮಾಡಲು ಪ್ರಯತ್ನಿಸಿದ್ದು ನಿಮಗೆ ಗೊತ್ತಿದೆ. ಅದೇ ರೀತಿ ಜನರ ಕಣRಟ್ಟುವ ಕೆಲಸವನ್ನು ಚೀನದ ಪೆಟ್‌ ಕೆಫೆಯೊಂದು ಮಾಡಿದೆ. ನಾಯಿಗಳಿಗೆ ಪಾಂಡಾದಂತೆ ಬಣ್ಣ ಬಳಿದು ಅವು ಪಾಂಡಾಗಳು ಎಂದು ಗ್ರಾಹಕರನ್ನು ನಂಬಿಸಲು ಹೋಗಿ ಟೀಕೆಗೆ ಒಳಗಾಗಿದೆ. ಈ ಕೆಫೆ ತಾನು 6 ಪಾಂಡಾಗಳನ್ನು ಹೊಂದಿರುವುದಾಗಿ ಹೇಳಿ ಪ್ರಚಾರ ನಡೆಸಿತ್ತು. ಇದರ ಬಂಡವಾಳ ಕೆಫೆ ಆರಂಭವಾದ ಎರಡೇ ದಿನಗಳಲ್ಲಿ ಬಯಲಾಗಿದೆ. ಆದರೂ, ಗ್ರಾಹಕರಿಗೆ ಪಾಂಡಾ ಅನುಭವ ನೀಡಲು ತಾವು ಈ ರೀತಿ ಮಾಡಿದ್ದಾಗಿ ಮಾಲಕ ತಿಪ್ಪೆ ಸಾರಿದ್ದಾರೆ.