ಕೋವಿಡ್ ಜಾಗೃತಿ ಕಾರ್ಯಕ್ರಮ

ಸೊರಬ: ಜಡೆ ಸಂಸ್ಥಾನ ಮಠ ಹಾಗೂ ಸೊರಬ ಮುರುಘಾ ಮಠದ ವತಿಯಿಂದ ತಾಲೂಕು ಕಚೇರಿ ಮುಂಭಾಗದಲ್ಲಿ ಕೋವಿಡ್ ಜಾಗೃತಿ ಕಾರ್ಯಕ್ರಮ ನಡೆಯಿತು.

ಜಡೆಯ ಜಂಗಮ ಕ್ಷೇಮಾಭಿವೃದ್ಧಿ ಸಂಘದ ವತಿಯಿಂದ ತಾಲೂಕು ಆಡಳಿತಕ್ಕ ನೀಡಿದ 5 ಸಾವಿರ ರೂ. ಹಾಗೂ ಸೋಪು, ಸ್ಯಾನಿಟೈಸರ್‌
ಗಳನ್ನು ಜಡೆ ಸಂಸ್ಥಾನ ಮಠದ ಡಾ|ಮಹಾಂತ ಸ್ವಾಮೀಜಿ ಅವರು ತಹಶೀಲ್ದಾರ್‌ ಪಟ್ಟರಾಜಗೌಡ ಅವರಿಗೆ ನೀಡಿದರು. ದಂತ ವೈದ್ಯ ಡಾ| ಎಚ್‌.ಇ. ಜ್ಞಾನೇಶ್‌, ವಕೀಲ ನಾಗಪ್ಪ ಮಾತನಾಡಿದರು. ನಾಗರಾಜ್‌ ಗುತ್ತಿ, ವಕೀಲ ಇಂಧುದರ್‌ ಒಡೆಯರ್‌, ಪ.ಪಂ ಸದಸ್ಯ ಮಧುರಾಯ್‌ ಜಿ.ಶೇಟ್‌, ನಟರಾಜ್‌, ಪುಟ್ಟಯ್ಯ, ಮಹ್ಮದ್‌ ಶಾಬುಲಾಲ್‌ ಇತರರಿದ್ದರು. ಕಲಾವಿದ ಶಿವರುದ್ರಪ್ಪ ಜೋಗಿ ಕೊರೊನಾ ಜಾಗೃತಿ ಗೀತೆ ಹಾಡಿದರೆ ಸಾಮಾಜಿಕ ಕಾರ್ಯಕರ್ತ ಎಚ್‌.ಬಿ. ಶಾಂತವೀರಪ್ಪ ನಿರೂಪಿಸಿದರು.